“Тоттенҳем” 99 млн евро эвазига “Манчестер Сити” футболчисини сотиб олади — Романо

“Тоттенҳем” “Манчестер Сити”дан Савинёни 99 миллион еврога сотиб олади — Романо

Лондоннинг “Тоттенҳем” футбол клуби “Манчестер Сити” билан бразилиялик футболчи Савинёнинг трансфери бўйича келишувга эришди. Бу ҳақда таниқли инсайдер Фабрицио Романо ўзининг ижтимоий тармоқлардаги саҳифаларида хабар берди.

Маълумотларга кўра, икки клуб шартнома шартларини тўлиқ келишиб олган. Эндиликда 22 ёшли футболчи тиббий кўрикдан ўтиш учун Лондон томон йўл олади.

Манбанинг таъкидлашича, трансфер нархи тахминан 99 миллион еврони ташкил этади. Барча зарурий расмиятчиликлар якунига етгач, шартнома расман имзоланиши кутилмоқда. Шунингдек, “Тоттенҳем”нинг “Сити”нинг яна бир футболчиси — Омар Мармуш бўйича музокаралари ҳам давом этмоқда. “Шпорлар” Савинё трансферини якунлагач, Мармуш борасидаги музокараларни фаоллаштиради.

Қайд этиш жоизки, Савинё ўтган мавсумда барча мусобақаларда жами 36 та ўйинда майдонга тушиб, 4 та гол урган ва 3 та голли узатмага муаллифлик қилган. Унинг “шаҳарликлар” билан амалдаги шартномаси 2031-йилгача тузилган. Трансфермаркт портали Савинёнинг бозор қийматини 35 миллион еврога баҳолаган.