Тошкентнинг яна 302 та мактаби СИ Давомат тизими ва смарт камералар билан қамраб олинади
Тошкент мактабларидаги СИ Давомат — давоматни назорат қилиш тизимини яна 302 та мактабга татбиқ этиш режалаштирилмоқда. Ҳозирда у Сергели туманидаги 26 та мактабда синовдан ўтказилмоқда, уларда 446 та смарт камера ўрнатилган.
Тошкентдаги яна 302 та мактаб СИ Давомат тизими ва смарт камералар билан қамраб олинади
Тошкент мактабларида СИ Давомат (сунъий интеллект) давоматни назорат қилиш тизимини 2027−2028-йилларда яна 302 та мактабга жорий этиш режалаштирилмоқда. Бу ҳақда пойтахт ҳокимининг 6-октабрдаги фармойишида кўрсатилган.
Газета тизим Сергели туманидаги 26 та мактабда синовдан ўтказилаётгани ва у ерда 446 та смарт камера ўрнатилгани ҳақида ёзган эди.
Синов натижалари тизимни шаҳардаги бошқа мактабларда босқичма-босқич жорий этиш учун асос бўлиши керак эди.
Ҳокимият маълумотига кўра, смарт камералар ва Фасе ИД технологияси ўқувчиларнинг мактабга келиши ҳамда дарсдаги иштирокини қайд этиш имконини беради. “Бу мутахассисларга сабабларни чуқурроқ ўрганиш, оила ва мактаб билан ҳамкорлик қилиш ҳамда болага ўз вақтида зарур ёрдам кўрсатиш имконини беради”, — дея қайд этган эди маъмурият.
Таъкидланишича, тизим нафақат давоматни назорат қилиш, балки фанлар, синфлар ва ўқитувчилар кесимида дарслар ташкил этилиши, ўқувчилар фаоллиги ҳамда ўқитиш усулларини таҳлил қилишга ҳам қаратилган.
Ҳоким фармойишида Ўзбекистон президентининг 4-сентабрдаги Тошкент умумтаълим мактабларида давоматни яхшилаш ва тизим билан барча мактабларни қамраб олиш тўғрисидаги топшириқлари баёнига ҳавола келтирилган.
Ҳозирда пойтахтда 500 дан ортиқ давлат мактаби ва 150 га яқин хусусий мактаб мавжуд.