Тошкентнинг туманларидан бирида электр таъминотида узилишлар кузатилиши мумкин

Тошкентнинг туманларидан бирида электр таъминотида узилишлар кузатилиши мумкин

Бугун, 28 октябрь куни Тошкент шаҳрининг Юнусобод туманидаги айрим маҳаллаларда электр энергияси вақтинча ўчирилиши мумкин. Бунга "Юнусобод" подстанциясида ускуналарни текшириш ва режали таъмирлаш ишлари сабаб бўлган.

Шу муносабат билан соат 10:00 дан 17:00 гача "Ҳасанбой", "Шарқ ҳақиқати", "Исломобод", "Уч қаҳрамон", "Йўлариқ", "Адолат", "Биллур", "Мурувват", "Аҳмад Дониш", "Ўзбекистон мустақиллиги", "Қадрдон" ва "Халқобод" маҳаллаларида электр таъминотида вақтинчалик узилишлар юзага келиши мумкин.

Энергетиклар аҳолидан вақтинчалик ноқулайликлар учун узр сўрайди.