Тошкентнинг туманларидан бирида электр энергияси бир неча соатга ўчирилди

2 соат олдин

Бугун, 17 октябрь куни Яшнобод туманида трансформатор подстанциясидаги таъмирлаш ишлари сабабли чироқ ўчирилди. Ишларни соат 17:00 гача якунлаш режалаштирилмоқда.

Туман ҳокимлиги хабарига кўра, чекловлар Табассум, Табибий, Оҳанграбо, Фарғона йўли кўчаларига, шунингдек, 215-сонли мактаб ҳудудига таъсир кўрсатди.

Маъмурият келтирилган ноқулайликлар учун аҳолидан узр сўради ва таъмирлаш ишлари ҳар бир хонадонда қулайликни таъминлайдиган барқарор ва хавфсиз энергия таъминоти тизимини яратиш мақсадида амалга оширилаётганини таъкидлади.