Тошкентнинг тўққизта туманида электр энергияси ўчирилади

Тошкентнинг тўққизта туманида электр энергияси вақтинча ўчирилади

Бугун, 3 ноябрь куни Тошкентда электр тармоқларида профилактика ишлари олиб борилади. Шу сабабли шаҳарнинг бир нечта туманларида электр энергияси таъминотида қисқа муддатли узилишлар кузатилиши мумкин. Айрим маҳаллаларда чироқ бир неча соатга ўчирилиши мумкин.

«Ҳудудий электр тармоқлари» Тошкент шаҳар филиали хабар қилишича, ушбу ишлар электр тармоқлари ишончлилигини ошириш, электр таъминоти сифатини яхшилаш ва юзага келиши мумкин бўлган аварияларнинг олдини олиш учун зарур.

Юнусобод туманида соат 10:00 дан 13:00 гача «Туркқўрғон», «Ифтихор», «Уста Ширин» ва «Янги Ariқ» маҳаллаларининг айрим ҳудудлари электр энергиясиз қолади.

Қолган туманларда электр таъминотидаги вақтинчалик узилишлар соат 10:00 дан 16:00 гача давом этади ва қуйидаги ҳудудларни қамраб олади:

• Бектемир тумани: «Нурли йўл» маҳалласининг айрим ҳудудлари.

• Мирзо Улуғбек тумани: «Қорасув» маҳалласининг айрим ҳудудлари.

• Учтепа тумани: «Чаманзор» маҳалласининг айрим ҳудудлари.

• Чилонзор тумани: «Бешқўрғон» маҳалласининг айрим ҳудудлари.

• Олмазор тумани: «Ниҳол» маҳалласининг айрим ҳудудлари.

• Яккасарой тумани: «Ракат» маҳалласининг айрим ҳудудлари.

• Шайхонтоҳур тумани: «Оқлон» маҳалласининг айрим ҳудудлари.

• Яшнобод тумани: «Чинор» маҳалласининг айрим ҳудудлари.

Таъмирлаш ишлари белгиланган вақтдан олдин якунланиши мумкин. Бундай ҳолда, электр таъминоти муддатидан олдин тикланади.

Компания вақтинчалик ноқулайликлар учун аҳолидан узр сўради.