Тошкентнинг икки туманида тунга чироқ ўчирилади

Тошкентнинг икки туманида кечаси электр энергияси ўчирилади

Пайшанба, 29 октябрга ўтар кечаси Тошкентнинг икки туманида электр энергияси вақтинча ўчирилиши кутилмоқда. Бу ҳақда Тошкент ҳудудий электр тармоқлари матбуот хизмати хабар берди.

Чекловлар "Выставочная" подстанциясидаги режали таъмирлаш ишлари билан боғлиқ. Электр таъминотидаги узилишлар соат 01:00 дан 04:00 гача кузатилади.

Ушбу вақт оралиғида Олмазор ва Шайхонтоҳур туманларининг бир қатор маҳаллаларида электр энергияси узатилиши вақтинча тўхтатилади. Жумладан, Олмазор туманида "Қуёш", "Аллон", "Чустий", "Орзу", "Зиё", "Университет", "Чимбой" ва "Замондош" маҳаллаларида электр ўчирилади. Шайхонтоҳур туманида эса "Боғ кўча", "Янги шаҳар", "Илғор", "Зафаробод" ва "Бўстон" маҳаллалари аҳолиси вақтинча чироқсиз қолади.