Тошкентдаги Юнус Ражабий уй-музейи вақтинча ўз фаолиятини тўхтатади
Тошкентдаги Юнус Ражабий уй-музейи 14-сентабрдан 2027-йил 30-майига қадар ёпилади. Бу пайтда кенг кўламли таъмирлаш-тиклаш ишлари ва экспонатларни хатловдан ўтказиш режалаштирилган.
Тошкентдаги Юнус Ражабий уй-музейи вақтинча фаолиятини тўхтатади
Тошкент шаҳри Яккасарой туманида жойлашган Юнус Ражабий уй-музейи 14-сентабрдан 2027-йил 30-майига қадар ташриф буюрувчилар учун вақтинча ёпилади, дея хабар бермоқда Маданий мерос агентлиги.
Қайд этилишича, шу даврда кенг кўламли таъмирлаш-тиклаш ишлари ҳамда экспонатларни хатловдан ўтказиш режалаштирилган.
Лойиҳа доирасида, жумладан, иситиш ва совитиш тизимлари тўлиқ модернизация қилинади, замонавий музей талабларига мос экспозиция шакллантирилади ҳамда музей инфратузилмаси такомиллаштирилади.
Уй-музей 1997-йил декабрда, Ўзбекистон халқ артисти, таниқли ҳофиз, бастакор ва ўзбек халқ мусиқаси тузувчиси Юнус Ражабийнинг таваллудига 100 йил тўладиган йилда очилган. Унда мусиқачи ҳаётининг сўнгги йилларини ўтказган хотира хонаси ҳамда унинг ҳаёти ва ижоди ҳақида ҳикоя қилувчи тўртта кўргазма зали мавжуд.