Тошкентда Ўзбекистон ва Қозоғистон ёзувчилари форуми очилди.
Ўзбекистон ва Қозоғистон ёзувчилари форуми Тошкентда бошланди.
2 ва 3 сентябр кунлари Тошкент ва Тошкент вилоятида "Туркий дунёнинг маънавий мероси: Адабиёт – даврлар ва авлодлар мулоқоти" деб номланган Ўзбекистон ва Қозоғистон ёзувчилари форуми бўлиб ўтмоқда. Тадбир Ўзбекистон мустақиллигининг 35 йиллиги, Биринчи туркологик конгресснинг 100 йиллиги ва Алишер Навоийнинг 585 йиллигига бағишланган.
Форумнинг биринчи куни Бўстонлиқ туманидаги Қораманас қишлоғида жойлашган Раҳметолла Раимқулов номидаги 34-мактабда бошланди. Кун давомида мактаб қўнғироғи маросими, шунингдек, таъмирланган кутубхона ва коворкинг марказининг очилиши бўлиб ўтди. Мактабга Ўзбекистон Ёзувчилар уюшмаси, Миллатлараро муносабатлар қўмитаси ва Турк маданияти ва мероси жамғармасидан китоблар топширилди. Тадбирларда Ўзбекистон ва Қозоғистон президентларининг маслаҳатчилари Хайриддин Султонов ва Малик Отарбоев, мактабгача таълим ва мактаб таълими вазири Эъзожон Каримова, Қозоғистон элчиси Ерал Туғжанов, шунингдек, икки мамлакат ёзувчилар уюшмалари раҳбарлари ва ижодий зиёлилар вакиллари иштирок этмоқда. Иштирокчилар адабий алоқаларни ривожлантириш, туркий халқларнинг умумий маънавий мероси ва авлодлараро мулоқотда адабиётнинг аҳамияти масалаларини муҳокама қилмоқдалар.
6-сентабр куни Тошкентда биринчи доимий Замонавий санъат маркази очилади, у ерда адабий тадбирлар ҳам ўтказилади.