Тошкентда «Ипак йўли» Хитой товарлари кўргазмаси ўтказилади
Тошкентда 2–4 сентябр кунлари 200 га яқин Хитой компанияси иштирокида «Ипак йўли» товарлар кўргазмаси бўлиб ўтади.
Тошкентда ИХ "Ипак йўли" Хитой товарлари кўргазмаси бўлиб ўтади
Жорий йилнинг 2-4 сентябр кунлари Тошкент шаҳрида тўққизинчи маротаба ўтказиладиган "Ипак йўли" Хитой товарлари кўргазмаси ташкил этилади. Унда 200 га яқин Хитой компанияси иштирок этиши кутилмоқда. Тадбир Сентрал Асиа Эхҳибитион Сентер (САЕх) кўргазма мажмуасида ўтказилади.
Мазкур кўргазма Ўзбекистон ва Хитой тадбиркорлари ўртасидаги савдо-иқтисодий ва инвестициявий ҳамкорликни мустаҳкамлаш учун муҳим платформа вазифасини бажаради. Иштирокчилар янги ишбилармонлик алоқаларини ўрнатиш ва турли соҳаларда ҳамкорлик имкониятларини муҳокама қилиш имкониятига эга бўладилар.
Кўргазманинг асосий йўналишлари қуйидагилардан иборат: ақлли ишлаб чиқариш ва рақамли технологиялар, яшил энергетика ва энергия самарадорлиги, қишлоқ хўжалиги ва қишлоқ хўжалиги техникаси.
Шунингдек, қурилиш материаллари ва муҳандислик техникаси, тиббий ускуналар ва соғлиқни сақлаш ечимлари, автомобил эҳтиёт қисмлари, енгил саноат маҳсулотлари, тўқимачилик ва истеъмол товарлари ҳам намойиш этилади.
Кўргазма доирасида компаниялар вакиллари ўртасида Б2Б форматидаги учрашувлар, саноат форумлари ва тармоқ тақдимотлари ўтказилиши режалаштирилган.
Ташкилотчилар ушбу тадбир икки мамлакат тадбиркорлари ўртасида савдо ҳамкорлигини кенгайтириш, инвестициявий алоқаларни ривожлантириш ва янги ишбилармонлик муносабатларини ўрнатишга хизмат қилишига ишонч билдирмоқда.