Тошкентда Финобод 2026 халқаро финтех форуми бўлиб ўтади
12−14-ноябр кунлари Тошкентда Финобод 2026 халқаро финтех форуми бўлиб ўтади. Уч кун давомида давлат, бизнес ва технология соҳаси вакиллари финтехни ривожлантириш, инвестициялар, сунъий интеллект ва янги рақамли ечимларни муҳокама қилади.
Тошкентда 12-14-ноябр кунлари САЕХ Узбекистан мажмуасида "Финобод 2026" Тошкент Финтех Халқаро Форуми бўлиб ўтади.
Ўзбекистоннинг рақамли экотизими стратегия амалга оширилишига олти йил тўлмасдан сезиларли даражада кенгайди. Бугунги кунда ИТ Парк Узбекистан ҳудудида 3500 дан ортиқ компания, жумладан, хорижий капитал иштирокидаги 1095 та компания фаолият юритмоқда. Фақатгина 2026-йилнинг биринчи ярмида экотизимга 608 та экспортга йўналтирилган ва 297 та хорижий сармоя иштирокидаги компания қўшилди. Ҳозирда ИТ Парк резидентлари 102 мамлакатга ИТ хизматлари ва рақамли маҳсулотлар экспорт қилмоқда.
Президентнинг ПФ-6079-сонли фармонига кўра, 2030-йилга бориб рақамли иқтисодиётнинг ялпи ички маҳсулотдаги улушини 10 фоизга, ИТ хизматларининг йиллик экспортини эса 5 миллиард долларга етказиш мақсад қилинган.
Финобод форуми рақамли ривожланишнинг кейинги босқичини белгилаб берувчи иштирокчиларни – регуляторлар, молия институтлари, технологик компаниялар, инвесторлар ва тадбиркорларни, шунингдек, саноат, агросаноат мажмуаси, автомобилсозлик, энергетика, транспорт ва логистика, телекоммуникация, чакана савдо ва электрон тижорат, қурилиш, тиббиёт ҳамда аерокосмик соҳа каби муҳим тармоқларда бизнесни рақамли трансформация қилиш бўйича етакчиларни бирлаштиради. Тадбирнинг ишбилармонлик дастурида П10 Глобал Течнологй, Касперскй, Москва биржаси, ВТБ банки, СҚБ, Геоинтеллест Узбекистан ва бошқа халқаро ҳамда минтақавий ўйинчиларнинг вакиллари иштирок этади.
Форум ташкилотчилари САЙС ва МАХИФОРУМ компанияларидир.
12-ноябр форумнинг стратегик куни бўлиб, унинг асосий мавзуси "Рақамли Ўзбекистон: маҳаллий рақамлаштиришдан глобал рақобатбардошлик сари" деб номланади. Иштирокчилар "Рақамли Ўзбекистон – 2030" стратегиясини амалга ошириш, рақамли инфратузилмани ривожлантириш ҳамда Ўзбекистонни халқаро рақамли бизнес учун минтақавий жозиба марказига айлантириш имкониятларини муҳокама қиладилар. Муҳокама қилинадиган мавзулар орасида банклар ва тўлов платформалари, рақамли инфратузилма, сунъий интеллект, киберхавфсизлик, шунингдек, космик технологиялардан тижорий фойдаланиш масалалари бор. Хусусан, алоҳида сессия сунъий йўлдош маълумотлари ва геоахборот ечимларини қишлоқ хўжалиги, логистика, молия ва суғурта соҳаларида қандай қўллаш мумкинлигига бағишланади.
13-ноябр куни асосий эътибор бизнес ва технологияларнинг иқтисодий самарасига қаратилади. Бу кун "Келажак бизнеси: автоматлаштириш, инвестициялар ва инсон сунъий интеллект даврида" мавзусига бағишланади. Дастурдан ўрин олган мавзулар: инновацияларга инвестициялар, сунъий интеллект ва автоматлаштириш, трансчегаравий тўловлар, янги минтақавий тўлов коридорлари, киберхавфсизлик ва финтехни ривожлантириш.
14-ноябрда форум амалий ҳамкорлик форматида давом этади. Бу кун тўлиғича барча хоҳловчилар бепул ташриф буюриши мумкин бўлган Финобод Эхпо технологик ва молиявий ечимлар кўргазмасига бағишланади. Меҳмонлар замонавий технологияларнинг амалда қандай қўлланилишини кўрадилар, иштирокчиларнинг ечимлари билан танишадилар ва янги ишланмалар ҳақида кўпроқ маълумотга эга бўладилар. Профессионал аудитория учун эса параллел равишда Б2Б учрашувлари ва иштирокчиларнинг стендларига бизнес ташрифлар уюштирилади. Шу билан бирга, уч кун давомида кўргазма экспозицияси, Б2Б Матчмакинг, стартаплар хиёбони, ВИП Лоунге ва медиа марказ фаолият кўрсатади.
Финобод – бу халқаро капитал, технологиялар, давлат ва бизнес учрашадиган майдон.