Тошкентда эркак киши диний никоҳда бирга яшаган вояга етмаган қизга нисбатан зўравонлик қилишда гумонланмоқда

Тошкентда эркак киши диний никоҳда бирга яшаган вояга етмаган қизга нисбатан зўравонлик қилганликда гумонланмоқда

Тошкентнинг Олмазор туманида ҳуқуқ-тартибот идоралари эркак киши билан диний никоҳда яшаб келган ўсмир қизга нисбатан зўравонлик қилингани ҳақидаги хабарни текширмоқда. Дастлабки маълумотларга кўра, у қизга нисбатан жисмоний куч ишлатган ва жинсий хусусиятга эга ҳаракатларни содир этиб, унга жароҳат етказган.

Миллий ижтимоий ҳимоя агентлиги хабарига кўра, 2025 йил 28 август куни эркак қиз билан диний никоҳ қурган. Шундан сўнг улар бирга яшай бошлаган.

Ҳозирда Олмазор тумани ИИБ ходимлари терговга қадар текширув ўтказмоқда. Юз берган ҳолатга барча ҳолатлар аниқлангандан кейин ҳуқуқий баҳо берилади.

Куни кеча қиз ва унинг холаси билан «Инсон» ижтимоий хизматлар маркази мутахассислари ҳамда ИИБ ходимлари учрашди. Ҳозирда асосий вазифа — вояга етмаган қизнинг хавфсизлигини таъминлаш, унинг ҳуқуқларини ҳимоя қилиш ва руҳий ҳолатини барқарорлаштиришга ёрдам беришдан иборат.

Бундан ташқари, қизга таъқиб ва такрорий зўравонликдан ҳимоя қилиши керак бўлган ҳимоя ордери расмийлаштирилди.

Миллий ижтимоий ҳимоя агентлиги вазият назоратда эканини, вояга етмаган қизга нисбатан зарур қўллаб-қувватлаш чоралари кўрилаётганини маълум қилди.

Бундан аввал Андижон вилоятида яна бир шов-шувли воқеа юз берган эди: диний никоҳда бўлган эркак ўзининг ногиронлиги бўлган турмуш ўртоғини ваҳшийларча ўлдирган эди.