Тошкентда бирорта бозор ёпилмайди ва ўз функсиясини йўқотмайди - Умрзоқов
Пойтахтдаги 35 та бозор ва савдо комплекси сотиладиган бўлди. Шаҳар ҳокими Шавкат Умрзоқовнинг изоҳлашича, ҳозирги бозорлар замонавий талабларга жавоб бермайди. Уларни сотиб оладиган инвесторларга қатъий шартлар қўйилади, барча бозорлар ўз функсиясини сақлаб қолади ва бирортаси ёпилмайди, деди ҳоким.
Тошкент шаҳар ҳокими Шавкат Умрзоқов ЎзАга берган интервюсида шаҳардаги 35 та бозор ва савдо комплексининг сотувга қўйилиши ҳақида изоҳ берди. Унинг таъкидлашича, Тошкентда бирорта бозор ёпилмайди ва ўз функсиясини йўқотмайди.
Умрзоқовнинг сўзларига кўра, бозорлар энг мураккаб йўналишлардан бири ҳисобланади. Халқ орасида "Бозор ва мозорга тегма" деган нақл борлиги ва бу гап ортида асосли хавотирлар ётганини қайд этди. Аҳоли ўрганган ва насибасини топаётган жойлар ўзгарса, албатта, безовта бўлади. Бироқ, ҳозирги бозорлар ҳам кўриниши, ҳам бизнес модели билан замонавий талабларга жавоб бермайди. Шу сабабли, 35 та давлат бозори ва савдо мажмуаси инвесторларга таклиф этилмоқда.
Ҳокимнинг қатъий таъкидлашича, бирорта бозор ёпилмайди ва ўз функсиясини йўқотмайди. Инвесторларга учта асосий шарт қўйилади:
1. Белгиланган ҳажмдаги савдо расталарини замонавий шаклда қуриб, давлатга топшириш.
2. Мавжуд тадбиркорларнинг иш ўринларини сақлаб қолиш.
3. Етарли сиғимдаги автотураргоҳ барпо этиш.
Инвестор фақат самарасиз фойдаланилаётган майдонларда савдо, хизмат ва кўнгилочар объектлар қуриш ҳуқуқини олади.
Умрзоқов Экобозор ушбу моделнинг ишлашини кўрсатганини таъкидлади. Халқаро тажрибалар ҳам мавжуд, масалан, Роттердамдаги Марктҳал ёки Лиссабондаги Тиме Оут Маркет тарихий бозор функсиясини сақлаган ҳолда шаҳарнинг энг гавжум нуқталарига айланган. Бизнинг бозорларимиз ҳам миллий муҳитини сақлаган ҳолда айнан шундай ривожланиши керак, деди Умрзоқов.
27-июл куни имзоланган президент қарорига асосан, Тошкентдаги қуйидаги бозорлар ва савдо комплекслари оммавий савдоларга чиқарилади:
| Т/р | Бозор ва савдо комплекслари, уларнинг шохобчалари | Манзили | Ер майдони (га) | Бино-иншоот майдони (кв. метр) |
| --- | -------------------------------------------------- | ---------------------------------------------- | ---------------- | ------------------------------- |
| 1. | | М. Улуғбек тумани, Гулсанам ва Буюк ипак йўли кўчалари кесишмаси | 1,68 | 9 354 |
| 2. | | Чилонзор тумани, Бунёдкор шоҳ кўчаси, 156А-уй | 12,2 | 137 911 |
| 3. | | Чилонзор тумани, ТХАЙ кўчаси, 12-уй | 2,0 | 12 815 |
| 4. | | Сергели тумани, Янги Сергели кўчаси, 6-уй | 2,7 | 5 868 |
| 5. | | Сергели тумани, Янги Сергели кўчаси, 3а-уй | 23,7 | 60 691 |
| 6. | | Яшнобод тумани, Паркент кўчаси, 74-уй | 2,7 | 2 674 |
| 7. | | Яшнобод тумани, Толариқ кўчаси, 1-уй | 15,1 | 88 647 |
| 8. | | Яшнобод тумани, Бешариқ кўчаси, 1-уй | 5,4 | 24 061 |
| 9. | | Олмазор тумани, Қора Қамиш-1 даҳаси, 21-уй | 0,8 | 2 633 |
| 10. | | Учтепа тумани, «Гузар» МФЙ, Г9А-мавзе | 5,4 | 20 184 |
| 11. | | Учтепа тумани, Ўрикзор мавзеси | 9,2 | 100 685 |
| 12. | | Бектемир тумани, Фарғона йўли кўчаси бозор майдони | 4,4 | 25 303 |
| 13. | | М. Улуғбек тумани, Сайрам кўчаси, 37-уй | 0,75 | 1261 |
| 14. | | М. Улуғбек тумани, Яланғоч кўчаси | 0,26 | 1844 |
| 15. | | М. Улуғбек тумани, Мингбулоқ кўчаси | 0,11 | 443 |
| 16. | | М. Улуғбек тумани, Қорасув-6 Семашко кўчаси | 0,01 | 120 |
| 17. | | М. Улуғбек тумани, Шукур Бурхонов, 24-уй | 0,19 | 788 |
| 18. | | М. Улуғбек тумани, Улуғбек шаҳарчаси, Хуросон кўчаси | 0,05 | 431 |
| 19. | | М. Улуғбек тумани, ТТЗ-2 Аҳиллик кўчаси | 0,41 | 2444 |
| 20. | | Юнусобод тумани, 13-мавзе, Аҳмад Дониш кўчаси | 0,55 | 2681 |
| 21. | | Юнусобод тумани, Ташгрес мавзе, Темур Малик кўчаси, 6-уй | 0,01 | 72 |
| 22. | | Сергели тумани, Сергели-7 мавзеси, М. Турсунзода кўчаси | 0,02 | 236 |
| 23. | | Сергели тумани, Сергели-1 мавзеси, Қипчоқ кўчаси | 0,03 | 342 |
| 24. | | Сергели тумани, Қўйлиқ-5 мавзеси, Янги Қўйлиқ кўчаси | 0,08 | 553 |
| 25. | | Сергели тумани, Қўйлиқ-6 мавзеси | 0,03 | 196 |
| 26. | | Сергели тумани, Қурувчилар мавзеси | 0,02 | 206 |
| 27. | | Сергели тумани, Чоштепа кўчаси | 0,001 | 19 |
| 28. | | Олмазор тумани, Форобий кўчаси | 0,09 | 57 |
| 29. | | Олмазор тумани, Гулсарой кўчаси | 0,12 | 246 |
| 30. | | Олмазор тумани, Камарнисо кўчаси | 0,39 | 1196 |
| 31. | | Олмазор тумани, Қора Қамиш кўчаси, 1/20-уй | 0,74 | 2999 |
| 32. | | Олмазор тумани, Талабалар кўчаси | 0,11 | 403 |
| 33. | | Яшнобод тумани, Катта Янгиобод кўчаси, 1-уй | 0,05 | 406 |
| 34. | | Чилонзор тумани, ТХАЙ, «Бек тўпи» савдо комплекси ёнида | 0,48 | 264 |
| 35. | | Чилонзор тумани, Бунёдкор шох кўчаси, 63-уй | 2,16 | 11 383 |