Тошкентда бир сотих ернинг ўртача нархи 292 млн сўмни ташкил этмоқда — МБ
Тошкентда июнь ойида бир сотих ер учун ўртача таклиф нархи қарийб 292 млн сўмни ташкил этди — бу ўтган йилнинг шу даврига нисбатан 9% га кам. Марказий банк аввалроқ пасайишни шаҳар марказидан узоқроқда жойлашган туманларда ер участкалари таклифи кўпайгани билан боғлаган эди.
Тошкентда бир сотих ернинг ўртача нархи 292 млн сўмни ташкил этмоқда — МБ
Июн ойида Тошкентда ер участкаларининг нархи ҳамон ўтган йилги даражадан паст бўлди. Бу ҳақда Марказий банкнинг кўчмас мулк бозори шарҳида сўз боради.
100 кв. м ер учун ўртача таклиф нархи қарийб 292 млн сўмни ташкил этди — бу кўрсаткич 334 млн сўм даражасида бўлган 2025 йилнинг июн ойига нисбатан 9% га камдир. Таққослаш учун, 2024 йилнинг июн ойида ўртача нарх 342 млн сўмни ташкил этган, ўша йилнинг апрел ойида эса 364 млн сўмга етган эди.
Шу билан бирга, май ойидаги кескин пасайишдан сўнг нархлар қисман тикланди: июн ойида улар ўтган ойга нисбатан 2,6% га ошди.
Аввалроқ Марказий банк нархлар пасайишини шаҳар марказидан узоқроқда жойлашган туманларда ер участкалари таклифи ортгани билан изоҳлаган эди.
Хусусан, 2025 йил якунларига кўра, шаҳар чеккасидаги участкалар улуши 22% га ошган, марказий туманлардаги таклиф эса 13% га камайган.