Тошкент метроси бир ҳафтада иккинчи бор рекорд янгилади
21-сентабр куни Тошкент метрополитени хизматларидан 1 181 581 нафар йўловчи фойдаланди. Бу 14-сентабрда қайд этилган аввалги рекорддан 16 031 нафарга кўп.
Тошкент метроси бир ҳафта ичида иккинчи марта рекорд ўрнатди
Тошкент метрополитенида бир кунда ташилган йўловчилар сони бўйича яна бир рекорд қайд этилди. 21-сентабр куни метро хизматларидан жами 1 181 581 нафар йўловчи фойдаланган.
Бундан олдинги энг юқори кўрсаткич 2026-йил 14-сентабрда қайд этилган эди. Ўша куни Тошкент метроси 1 165 550 нафар йўловчига хизмат кўрсатган.
Янги натижа аввалги рекорддан 16 031 нафарга юқори бўлди.
Метрополитен мутахассислари олиб бораётган мониторинг ва таҳлиллар йўловчилар оқими ўсишда давом этаётганини кўрсатмоқда.
Мавжуд маълумотларга кўра, октабр ойида метродан бир кунда фойдаланадиган йўловчилар сони 1,2 миллион нафарга етиши кутилмоқда.
Шу муносабат билан Тошкент метрополитени 1 200 000-йўловчини алоҳида аниқлаб, унга махсус имтиёз ёки совға тақдим этишни режалаштирган.
Мазкур ташаббус йўловчиларни рағбатлантиришга қаратилган рамзий тадбир сифатида ўтказилиши кўзда тутилган.
Шунингдек, 2026-йилда харид қилиниши режалаштирилган 14 та замонавий поезд таркибининг барчаси Тошкент метрополитенига етказиб берилган.
Янги поездлар йўловчиларга қулай ва тезкор хизмат кўрсатиш, шунингдек, ҳаракатни ортиб бораётган йўловчилар оқимига мослаштириш учун фойдаланилмоқда.