Тошкент – Маврикий: тўғридан-тўғри авиарейслар декабрдан бошлаб йўлга қўйилади
Тошкент – Маврикий: тўғридан-тўғри авиарейслар декабрдан бошлаб йўлга қўйилади
2026 йил 26 декабрдан бошлаб Тошкент ва Маврикий (Шарқий Африка) ўртасида тўғридан-тўғри авиарейслар бошланади. Биринчи босқичда 26 декабрда битта рейс ва 2027 йил январда яна тўртта рейс назарда тутилган. Келаси йилнинг июнь ойидан бошлаб йўналишни мунтазам режимга ўтказиш — ҳафтасига бир мартадан рейс амалга ошириш режалаштирилмоқда.
Янги йўналиш ишга туширилиши ҳақида бугун Тошкентда Туризм қўмитаси иштирокида бўлиб ўтган Ўзбекистон ва Маврикий туризм бизнеси вакилларининг учрашувида маълум қилинди.
Маврикий — Африканинг шарқий қирғоқлари яқинида, Ҳинд океанида жойлашган орол-давлат. Янги тўғридан-тўғри йўналиш икки мамлакат ўртасидаги саёҳатларни осонлаштириши ва сайёҳлар алмашинувини ошириши керак.
Ўзбекистон учун Маврикий кириш туризмининг янги бозори сифатида ҳам кўрилмоқда. Шу билан бирга, Маврикий фуқаролари учун Тошкент, Самарқанд, Бухоро ва Хивага ташриф буюриш мақсадида Ўзбекистонга келиш осонлашади.
Янги йўналишнинг яна бир мақсади — транзит йўловчиларни жалб қилишдир. Истиқболда Қозоғистон, Россия ҳамда Марказий Осиё ва МДҲнинг бошқа мамлакатларидан келган сайёҳлар Тошкент орқали Маврикийга учишлари мумкин бўлади.
Шу тариқа, Тошкент транзит йўловчилар сонининг ўсишига ва минтақавий авиация хаби сифатида ўз мавқеини мустаҳкамлашга умид қилмоқда.