Тошкент мактабларида ўқувчиларнинг давоматини автоматик равишда кузатиб бориш тизими жорий этилади.
Тошкент мактабларида ўқувчиларнинг давоматини автоматлаштирилган мониторинг қилиш тизими жорий этилмоқда.
Ўқувчиларнинг давоматини автоматик равишда кузатиб бориш, уларнинг дарсдаги фаоллигини таҳлил қилиш ва рухсациз шахсларни аниқлаш учун мўлжалланган "Ақлли мактаб" лойиҳаси Ўзбекистон пойтахтидаги таълим муассасаларида ишга туширилмоқда.
Лойиҳанинг синов босқичи Сергели туманида бошланди. Унинг биринчи босқичи келгуси ўқув йилида амалга оширилади. Ҳозирда ускуналар 9-11-синф ўқувчилари учун мўлжалланган 345 та синфхонадан 177 тасига ўрнатилди.
Тўпланган маълумотлар Сергели тумани ҳокимлигидаги Вазият марказига юборилади. Қолган синфхоналар 25-августгача тизимга уланиши режалаштирилган, шундан сўнг синов босқичи аста-секин Тошкентдаги бошқа мактабларга ҳам кенгайтирилади.
Илгари Ўзбекистондаги хусусий мактаблар, болалар боғчалари ва таълим марказлари учун 1-июлдан бошлаб янги талаблар кучга кирганлиги ҳақида хабар берилган эди. Ушбу муассасалар аудио ёзувлар билан 24 соатлик видеокузатувни таъминлаши ва ёзувларни камида олти ой давомида сақлаши шарт.