Тошкент болалар онкология хизматини ривожлантиришга 174 миллион евро йўналтирилади
Тошкент болалар онкология хизматини ривожлантиришга 174 миллион евро йўналтирилади
Тошкентда болаларда онкологик ва гематологик касалликларни ташхислаш ва даволаш тизимини янгилаш режалаштирилмоқда. Лойиҳа қиймати 174 миллион еврони ташкил этади.
Тегишли концепция халқ депутатлари пойтахт Кенгаши томонидан тасдиқланди.
Лойиҳа Тошкентда янги ташхис қўйиш ва даволаш блокини қуриш, шунингдек, фаолият кўрсатаётган болалар онкология марказини реконструкция қилиш ва модернизация қилишни ўз ичига олади. Тиббиёт муассасаларини болаларни ташхислаш ва даволаш учун замонавий ускуналар билан жиҳозлаш кўзда тутилган.
Мутахассислар тайёрлаш лойиҳанинг алоҳида йўналишига айланади. Онкологик, гематологик ва иммунологик касалликларга чалинган болалар билан ишловчи шифокорлар ва бошқа тиббиёт ходимларини ўқитиш ҳамда малакасини ошириш кўзда тутилган. Кенгашнинг лойиҳа бўйича қарори 8 октябрь куни қабул қилинди.