Тошкент аҳолиси автотураргоҳ учун тўловни амалга ошириш талаб қилинган фирибгарлик SMS-хабарларидан огоҳлантирилди
Тошкент аҳолиси автотураргоҳ учун тўлов қилиш талаб этилган сохта SMS’лардан огоҳлантирилди
Пойтахт аҳолисига Poytaxt Parking номидан сохта SMS’лар кела бошлади. Бу хабарларда ҳайдовчилар гўёки автотураргоҳ учун тўлов қилмагани айтилади, юзага келган қарздорликни узиш учун эса ҳавола бўйича ўтиш таклиф этилади. Компаниядагилар бундай билдиришномаларни жўнатмасликларини таъкидладилар.
Шаҳар аҳолиси бундай хабарлардаги ҳаволалар бўйича ўтмасликка, банк карталари маълумотлари ва автомобиль рақамларини киритмасликка чақирилди. Бундай SMS’ларни ўчириб ташлаш тавсия этилади.
Агар шахс карта маълумотларини киритишга улгурган бўлса, у дарҳол ўз банки билан боғланиши ва уни блоклаши керак.
Шунингдек, Poytaxt Parking автотураргоҳ тўлови ҳолатини фақат хизматнинг расмий иловасида текшириш мумкинлигини эслатиб ўтди.
Саволлар туғилганда ҳайдовчилар 78 113 67 00 телефони орқали мурожаат қилишлари ёки Telegram’даги @PoytaxtParkingsupportbot ботига ёзишлари мумкин.
Бундан ташқари, ўзбек алифбоси янгиланиши фонида фирибгарлар Telegram’да янги ҳарфлар мавжуд бўлган клавиатурани ўрнатиш файлларини юбормоқдалар. Ваъда қилинган илова ўрнига улар паролларни ўғирлаши, ёзишмаларни ўқиши ва фойдаланувчиларнинг молиявий маълумотларига кириш ҳуқуқини олиши мумкин бўлган зарарли дастурни юбормоқдалар.