Том Холланд энг кассабоп актёрлар рейтингида учинчи ўринга кўтарилди
Том Холланд энг кўп даромад келтирган актёрлар рўйхатида учинчи ўринга кўтарилди.
"Ўргимчак-одам" франшизасининг юлдузи Том Холланд иштирокидаги лойиҳалар жаҳон прокатида жами 14,7 миллиард доллар атрофида даромад келтирди. Сўнгги маълумотларга кўра, актёр энг кассабоп актёрлар рўйхатида учинчи поғонани эгаллади.
Ҳозирда ундан юқори ўринларда Зое Салдана ва Скарлетт Ёханссон жойлашган. Салдана жорий йил бошида чиққан "Аватар: Олов ва кул" филмининг муваффақияти туфайли рейтинг пешқадамига айланган эди – унинг иштирокидаги филмлар жами 15,46 миллиард доллардан ортиқ маблағ тўплаган.
Томнинг рўйхатда сезиларли даражада юқорига кўтарилишига жорий йилдаги икки шов-шувли филм – "Одиссея" ва "Ўргимчак-одам: Янги кун" катта ёрдам берди. Ҳар иккала филм ҳам жаҳон прокатида бир миллиард долларлик чегарани босиб ўтди. Август ойи ўрталаридаёқ ғарб оммавий ахборот воситалари янги "Ўргимчак-одам"нинг якуний тушумларидан сўнг актёр рейтингда етакчилар қаторига қўшила олишини тахмин қилган эди.
Актёр бундай натижа учун Марвел студиясидан миннатдор. Унинг филмографиясида энг кўп даромад келтирган филмлар – "Қасоскорлар: Абадият жанги" ва "Қасоскорлар: Интиҳо", шунингдек, Ўргимчак-одам ҳақидаги аввалги учта муваффақиятли филм жой олган.
Эслатиб ўтамиз, "Ўргимчак одам: Янги кун" кинокартинаси илк ҳафтадаёқ 1,1 миллиард доллардан ортиқ маблағ тўплаб, 2026-йилнинг энг кассабоп филмига айлангани маълум қилинган эди.