“Тетрис” ўйини яратувчилари Оқ уйни ўйиндан рухсациз фойдаланганликда айблади

“Тетрис” ўйини яратувчилари Оқ уйни ўйиндан рухсациз фойдаланишда айблади

Тҳе Тетрис Сомпанй компанияси Оқ уйнинг “Тетрис” услубида яратилган онлайн ўйинларидан бири билан ҳеч қандай алоқаси йўқлигини маълум қилди. Компания ўзининг интеллектуал мулкидан фойдаланишга рухсат бермаганини билдирди.

Буилд тҳе Валл (“Девор қур”) деб номланган ўйин фойдаланувчиларга АҚШ ва Мексика чегарасида тўсиқ қуришни таклиф қилади. Оқ уй таърифида айтилишича, ўйинда чегарани яқинлашиб келаётган оломондан ҳимоя қилиш керак.

Тҳе Тетрис Сомпанй ушбу ўйинни яратишда иштирок этмаган. Биз “Тетрисъ”а одамларни ажратиш эмас, уларни бирлаштириш кучига ишонамиз, дейилади компания баёнотида.

Компания Тетрис бренди ва унинг интеллектуал мулкидан фойдаланиш учун лицензия бермаганини алоҳида қайд этди.

Оқ уй АҚШ президенти Доналд Трамп сиёсати билан боғлиқ кетма-кет бешта ретро-ўйинни эълон қилди. Улар орасидаги “Илонча” (Снаке) услубида яратилган яна бир ўйинда ўйинчи чегара сиёсати раҳбари Том Ҳоманнинг рақамли версиясини бошқаради. У Рио Гранде дарёсидан ўтаётган мигрантларни қўлга олиши керак.

Маълумот учун, 2025-йил декабр ойида Дубайда дронлар иштирокида дунёдаги энг йирик “Тетрис” ўйини ўтказилганди. Бу машҳур ўйин шоу кўринишида намойиш этилган. Ўйинда экран вазифасини баландлиги тахминан 150 метр бўлган Дубаи Фраме бажарган, пикселлар вазифасини эса ранг-баранг шаклларни реал вақтда ҳосил қилувчи дронлар амалга оширган.