Тест: Раҳмат Файзийнинг асарларини қанчалик яхши биласиз?
ъҲазрати инсонъ, ъИпак пардаъ ва ъКишиларимиз қиссасиъ сингари асарлар муаллифи бўлган Раҳмат Файзий таваллудига 10-октабрда 108 йил тўлди. Сана муносабати билан Газета Ўзбекистон халқ ёзувчисининг ижоди асосида тест тайёрлади.
Тест: Раҳмат Файзийнинг асарларини қанчалик яхши биласиз?
Раҳмат Файзиев 1918-йил 10-октабрда Тошкент шаҳрида дунёга келган. Ўрта мактабни битиргач, Электромеханика техникумида таҳсил олган. У “Ленин учқуни” (ҳозирги “Тонг юлдузи”), “Ёш ленинчи” (ҳозирги “Туркистон”), “Қизил Ўзбекистон” (ҳозирги “Ўзбекистон овози”) газеталарида, шунингдек, Ёзувчилар уюшмасида ҳам фаолият юритган.
1951−1954-йилларда “Шарқ юлдузи” журналида, 1957−1959-йилларда эса “Ўзбекистон маданияти” газетасида ишлаган. “Ўзбекфилм” киностудиясида ссенарий ва таҳрир ҳайъати бош муҳаррири лавозимида бўлган.
1948-йилда “Тўй тараддуди” номли илк ҳикояси чоп этилгач, “Тўёна”, “Улғайиш” ҳамда “Биринчи баҳор” номли ҳикоя ва очерклардан иборат тўпламлари нашр қилинган. 1951-йилда “Саҳрога баҳор келди” ҳамда “Эртаклар ва ҳикоятлар”, 1958-йили эса “Ипак парда” каби китоблари босмадан чиққан. 1962-йили “Кишиларимиз қиссаси” эълон қилинган.
“Сен етим эмассан” филмига ссенарий ёзган адиб, киноқиссанинг устида ишлашни давом эттиргани натижасида 1969-йили “Ҳазрати инсон” романини тақдим этган. Бундан ташқари, у “Ёр-ёр” филмининг ссенарий муаллифи ҳамдир.
Раҳмат Файзий 1988-йил 18-ноябрда вафот этган.