Татаристон раиси Ўзбекистон президентига ҳамдардлик билдирди
Татаристон раиси Рустам Минниханов Нижнекамскдаги дрон ҳужумида Ўзбекистон ва Тожикистон фуқаролари ҳалок бўлгани муносабати билан президентлар Шавкат Мирзиёев ва Эмомали Раҳмонга ҳамдардлик билдирди. Ҳужумда жами 13 киши қурбон бўлган, уларнинг 8 нафари ўзбекистонлик, 1 нафари эса тожикистонлик.
Татаристон раҳбари Рустам Минниханов Нижнекамскга қилинган дрон ҳужуми оқибатида ўз мамлакатлари фуқаролари ҳалок бўлгани муносабати билан Ўзбекистон Президенти Шавкат Мирзиёев ва Тожикистон Президенти Эмомали Раҳмонга ҳамдардлик билдирди. Бу ҳақда республика раҳбари матбуот хизмати журналистларга маълум қилди, деб ёзмоқда ТАСС.
Матбуот хизмати хабарига кўра, "Рустам Минниханов Ўзбекистон ва Тожикистон президентларига ҳамдардлик телеграммаларини йўллади. Ҳалок бўлганлар орасида уларнинг фуқаролари ҳам бор, жами 9 киши".
Ҳужум натижасида Тожикистоннинг бир нафар фуқароси ва Ўзбекистоннинг 8 нафар фуқароси ҳаётдан кўз юмган. Минниханов телеграммаларида ҳалок бўлганлар ва жабрланганларнинг оилаларига барча зарур ёрдам кўрсатилишини таъкидлади.
"Қайтариб бўлмас йўқотиш дардини баҳам кўрамиз. Шу оғир дамларда даҳшатли террор қурбонларининг оилалари билан биргамиз. Уларга матонат, руҳий куч ва сабр, барча жабрланганларга эса тезроқ соғайиб кетишларини тилайман", — деб ёзди Минниханов.
Аввалроқ Татаристон раҳбари матбуот хизмати душанба куни эрталаб республика дронлар ҳужумига учраганини хабар қилганди. Ҳужум ҳам ишлаб чиқариш, ҳам фуқаролик обьектларига қаратилган.
13 киши, жумладан, бир бола ҳалок бўлган. 70 дан ортиқ киши ёрдам сўраб мурожаат қилган, 21 киши шифохонага ётқизилган. Ҳолат бўйича террорчилик ҳужуми факти бўйича жиноий иш қўзғатилган. 10-август республикада мотам куни деб эълон қилинди.