Тадқиқот: қизил гўштни кўп истеъмол қилиш диабетга сабаб бўлиши мумкин
Тадқиқотчилар Франсиянинг НутриНет-Сантé тадқиқотида 89 953 нафар иштирокчининг маълумотларини таҳлил қилишди. Тадқиқот бошида уларда 2-тоифа
**Тадқиқот: қизил гўштни кўп истеъмол қилиш диабет хавфини ошириши мумкин**
Қизил гўштни кўп ейиш 2-тоифа диабет ривожланиш эҳтимолини ошириши мумкин. Олимлар бунга гўшт таркибидаги Неу5Гс шакар молекуласи сабаб бўлиши эҳтимолини аниқлашди. Тадқиқот натижалари Европа Диабетни ўрганиш ассоциациясининг (ЭАСД) йиллик конференсиясида тақдим этилди.
Тадқиқотчилар Франсиядаги НутриНет-Сантé тадқиқотида қатнашган 89 953 нафар иштирокчи маълумотларини таҳлил қилишди. Тадқиқот бошланганда уларда 2-тоифа диабет ҳам, саратон ҳам йўқ эди. Кейинги 7,2 йил давомида 966 кишида касаллик аниқланган.
Олимлар айниқса мол гўшти ва қўй гўштида учрайдиган Неу5Гс шакар молекуласига эътибор қаратдилар. Инсон организми уни ишлаб чиқара олмайди, шу сабабли рацион орқали қабул қилинган Неу5Гс иммун тизими томонидан бегона модда сифатида қабул қилиниб, сурункали яллиғланишни қўзғатиши мумкин.
Қизил гўштдан Неу5Гс ни энг кўп истеъмол қилганларда диабет ривожланиш хавфи уни энг кам истеъмол қилганларга нисбатан 63 фоиз юқори бўлган. Иккинчи энг юқори истеъмол гуруҳида эса хавф 41 фоизга ошган. Жисмоний фаоллик, овқатланиш, чекиш ва бошқа омиллар ҳисобга олинганидан кейин ҳам бу боғлиқлик сақланиб қолган.
Бироқ, сут маҳсулотларидан олинган Неу5Гс бўйича шунга ўхшаш боғлиқлик аниқланмади. Муаллифлар тадқиқот кузатув характерига эга эканини таъкидлаб, у қизил гўштнинг диабетга бевосита сабаб бўлишини исботламаслигини айтишади.