Сурхондарёда ҳамкасбига Телеграм орқали шилқимлик қилган ўқитувчи 5 суткага қамалди

Сурхондарёда ҳамкасбасига Телеграм орқали шилқимлик қилган ўқитувчи 5 суткага қамалди

Сурхондарё вилоятининг Қумқўрғон туманида ҳамкасбасига Телеграм орқали шилқимлик қилган мактаб ўқитувчиси 5 суткага қамалди.

Воқеа 2026-йил апрел ойида содир бўлган. 2003-йилда туғилган эркак ўзига олдиндан таниш бўлган ҳамкасби аёлга Телеграм орқали ёзиб, у билан ишқий муносабатда бўлишни таклиф қилган. Аёл оилали экани ва фарзандлари борлигини билдирганига қарамай, Ш.С. номақбул, шаҳвоний мазмундаги хабарларни юборишда давом этган.

Аёлнинг айтишича, бу ҳолат унинг оиласида жанжал чиқишига сабаб бўлган. У ҳамкасбига нисбатан қонуний чора кўрилишини сўраган.

Ш.С. айбини тан олиб, қилмишидан пушаймонлигини билдирган ва бундай ҳолат қайта такрорланмаслигини айтган.

Жиноят ишлари бўйича Жарқўрғон туман суди Ш.S.ni Маъмурий жавобгарлик тўғрисидаги кодекснинг 41-1-моддаси 1-қисмида назарда тутилган ҳуқуқбузарликни содир этган деб топиб, унга 5 сутка маъмурий қамоқ жазоси тайинлаган.