Суратга олиш вақтида ҳамкасбларининг ҳаётини сақлаб қолган актёрлар
Суратга олиш пайтида ҳамкасбларининг ҳаётини сақлаб қолган актёрлар
Кинода хавф кўпинча “Стоп, кадр олинди!” деган буйруқ билан тугайди, аммо баъзан актёрлар унга ҳаётнинг ўзида дуч келишади. Нотўғри бажарилган трюк, тасодиф ёки хато — ва ҳар бир сония жуда муҳим бўлиб қолиши мумкин. Суратга олиш жараёнида довдираб қолмай, ҳамкасбларини қутқариб қолган юлдузлар ҳақида сўз юритамиз.
“Уддалаб бўлмас топшириқ: Ўлим билан ҳисоблашув” филмини суратга олиш чоғида актёр хавфли трюкларни пиар учун эмас, балки ростдан ҳам бажаришини яна бир бор кўрсатди. Ҳаракатланаётган поезд устидаги саҳна тасвирланаётган пайтда оператор йиқилиб тушишига сал қолганди. Ўша вақтда ёнида бўлган Том Круз уни ушлаб қолиб, ёрдамчи гуруҳ етиб келгунича тутиб турган. Гуруҳ хавфсизлик тросларидан фойдаланган бўлса ҳам, актёр бўлмаганида операторнинг жароҳат олиши аниқ эди.
Филмлардан бирини суратга олиш жараёнида актриса Мишел Ео жанг саҳнасида адашиб, декорацияга қаттиқ урилиб кетиши мумкин эди. Буни пайқаб қолган Жеки сўнгги лаҳзада уни тутиб қолади.
Актёр доимо нафақат ўзи, балки ёнида ишлаётганларнинг барчаси учун ҳам масъулият сезишини айтиб келган. Унинг чаққон реаксияси ҳамкасбини оғир жароҳатдан асраб қолади ва охир-оқибат бу саҳна филмда қолдирилади.
“Индиана Жонс ва тақдир ғилдираги” филмини суратга олиш вақтида суратга олиш гуруҳи аъзоларидан бири бирдан ҳушидан кетади. Ўша пайтда 79 ёшда бўлган Ҳаррисон Форд дарҳол биринчи ёрдам кўрсатади.
Актёр зудлик билан шифокор чақиришни айтади ва фелдшер келгунига қадар жабрланувчининг аҳволини ўзи кузатиб туради. Шифокор етиб келгач, эркакка кейинги тиббий ёрдам кўрсатилади. Кейин маълум бўлишича, унда юрак хуружи юз берган. Суратга олиш гуруҳи аъзолари Форднинг вазминлиги ва тезкорлигини алоҳида қайд этишади — айнан у туфайли ҳамкасбининг ҳаёти сақлаб қолинади.
Генри Кавилл Супермен либосини аллақачон ечган бўлса-да, ҳануз ҳақиқий қаҳрамон бўлиб қолмоқда. Кавилл билан “Ножентлменлар ишлари вазирлиги” филмида бирга суратга тушган актёр Алекс Петтифернинг айтишича, у сувда хавфли вазиятга тушиб, чўкиб кетишига сал қолган. Кавилл ўз вақтида ҳаракат қилиб, уни қайиқдан йиқилиб тушишдан сақлаб қолган.
“Перси Жексон ва чақмоқ ўғриси” филмини суратга олиш пайтида ижодий гуруҳ фойдаланаётган фургон яқинида турган Ума Турман томонга сирпаниб кета бошлайди. Пирс Броснан хавфни вақтида сезиб, ҳайдовчи ўриндиғига ўтиради. Актёр тормозни кескин босиб, автомобилни тўхтатиб қолади.
Ума Турман у ёрдам берган ягона ҳамкасби эмас. “Ўлиш вақти эмас” филмини суратга олиш чоғида Ҳолли Берри анжир еб, тиқилиб қолади. Броснан дарҳол Геймлих усулини қўллаб, актрисанинг ҳаётини сақлаб қолади.