Суперлига. “Қўқон-1912” Тошкентда, “Локомотив” эса Хоразмда ғалаба қозонди

Суперлига: "Қўқон-1912" Тошкентда, "Локомотив" Хоразмда ғалаба қозонди

Ўзбекистон Суперлигасининг 18-туридан ўрин олган иккита ўйин якунланди.

**"Бунёдкор" — "Қўқон-1912"**

Тошкентда "Бунёдкор" ўз майдонида "Қўқон-1912"ни қабул қилди. Меҳмонлар минимал ҳисобда ғалаба қозонишди.

Учрашувнинг 3-дақиқасидаёқ "Қўқон-1912" ҳужумчиси Шота Гвараза ҳисобни очди. Ўйиннинг қолган қисмида ҳисоб ўзгармади ва "Қўқон-1912" сафарда 3 очкони қўлга киритди.

Бу ғалабадан сўнг "Қўқон-1912" 18 очко билан турнир жадвалида 15-ўринга кўтарилди. "Бунёдкор" эса 19 очко билан 13-ўринда қолди.

Кейинги турда "Бунёдкор" сафарда "Локомотив" билан, "Қўқон-1912" эса "Бухоро"га қарши ўйнайди.

**Ўзбекистон Суперлигаси, 18-тур**

**"Бунёдкор" — "Қўқон-1912" 0:1**

**Гол:** 0:1 — Гвараза (3).

**"Хоразм" — "Локомотив"**

Турнинг яна бир баҳси Хоразмда бўлиб ўтди. Унда "Хоразм" "Локомотив" билан куч синашди.

Биринчи бўлимнинг 7-дақиқасида Қувочбек Абраев пеналтидан гол уриб, меҳмонларни ҳисобда олдинга олиб чиқди. Орадан 9 дақиқа ўтиб, мезбонлар ҳисобни тенглаштирди: Суннатилло Ҳамиджонов жаримадан узатилган тўпни боши билан дарвозага аниқ йўллади. Иккинчи бўлимнинг 47-дақиқасида меҳмонлар вингери Суҳроб Нуруллоев "темирйўлчилар"нинг иккинчи голига муаллифлик қилди. 77-дақиқада "Локомотив" ҳужумчиси Жасур Яхшибоев рақиб дарвозасини ишғол қилиб, ўйинга якуний нуқтани қўйди — 1:3.

Бу ғалабадан сўнг "Локомотив" 28 очко билан турнир жадвалида 6-ўринга кўтарилди. "Хоразм" эса 20 очко билан 11-ўринда қолди.

Кейинги турда "Хоразм" "Андижон"га сафар қилади. "Локомотив" эса "Бунёдкор" жамоасига қарши баҳс олиб боради.

**Ўзбекистон Суперлигаси, 18-тур**

**"Хоразм" — "Локомотив" 1:3**

**Голлар:** 0:1 — Абраев, пеналти (7), 1:1 — Ҳамиджонов (18), 1:2 — Нуруллоев (47), 1:3 — Яхшибоев (77).