Сунъий интеллект атрофидаги баҳслар Оқ уйга етиб келди: Трамп Антҳропис раҳбари билан учрашди
Оқ уй маъмурияти СИ хавфлари борасидаги хавотирлар фонида технология раҳбарлари билан учрашувларга тобора кўпроқ эътибор қаратмоқда
Сунъий интеллект борасидаги тортишувлар Оқ уйга ҳам етиб келди: Трамп Антҳропис раҳбари билан учрашди
АҚШ президенти Доналд Трамп якшанба куни кечқурун Оқ уйда Антҳропис (Слауде АИ) компаниясининг ҳаммуассиси ва бош директори Дарио Амодей билан хусусий кечки овқат ўтказди. Бу учрашув сунъий интеллект (СИ) ривожини секинлаштириш ҳақидаги қизғин мунозаралар ҳамда компаниянинг Пентагон билан давом этаётган низоси фонида бўлиб ўтди. Учрашув натижалари ҳозирча ошкор этилмаган.
Президент Эндрюс ҳарбий базасига қайтгач, журналистларга Амодей билан овқатланганини айтиб, уни «жуда ҳурматли» инсон деб таърифлади.
Оқ уй расмийси эса Америка суперинтеллект соҳасида дунёга етакчилик қилишини ва бунда истеъмолчилар ҳимоя қилинишини таъкидлади. Оқ уй ҳам, Антҳропис ҳам нашр сўровига изоҳ бермаган.
Ўтган ҳафта Трамп Хитой раиси Си Жинпинг шарафига зиёфат бериб, Америкадаги деярли барча ИТ ва АИ гигантлари раҳбарларини таклиф қилганди. Ахиосъга кўра, айнан Амодей бошқа режаси сабабли тадбирга бора олмаган ва Трамп кейин уни шахсан таклиф қилган. Форбес эса Амодей таклиф этилганлар рўйхатида умуман бўлмаганини ёзди.
Сешанба куни президент Трамп Вакиллар палатаси спикери Майк Жонсон билан бирга етакчи СИ компаниялари раҳбарларини қабул қилади. Тадбирда америкаликларга федерал маълумотлардан фойдаланишда ёрдам берадиган янги ҳукумат сайти тақдим этилади. Тимесънинг эътибор қаратишича, Оқ уй маъмурияти СИ хавфлари борасидаги хавотирлар фонида технология раҳбарлари билан учрашувларга тобора кўпроқ эътибор қаратмоқда.
Секинлаштириш чақириғи
Учрашув олдидан кескинлик сентабр бошида, СИ хавфсизлиги ҳақидаги баҳс кенг жамоатчилик муҳокамасига чиққанидан