Сунъий интеллектни секинлаштиришга чақириқлар: хавотирлар, тижорий манфаат ва геосиёсат
Шу кунларда сунъий интеллект соҳасидаги баҳслар глобал сиёсий мавзуга айланди: Антҳропис бош директори СИ агентлари яқинда «бутун интернетни эгаллаб олишидан» огоҳлантириб, соҳани тартибга солишга чақирди. Рақобатчилар буни «етакчиларнинг картел қуришга уриниши» деб баҳоламоқда. АҚШ ва Хитой эса аллақачон СИни рақиб қўлидаги қурол сифатида кўрмоқда.
Сунъий интеллектни секинлаштиришга чақириқлар: хавотирлар, тижорий манфаат ва геосиёсат
Сунъий интеллект ёки унинг агентларини ривожлантиришни секинлаштириш ҳақидаги мунозаралар аслида бир неча ой аввал бошланган эди. Бу борадаги илк туртки жорий йил июл ойида юз берган ҳодиса бўлди. Ўшанда ОпенАИ компанияси ички киберхавфсизлик синовини ўтказган, синов вақтида моделларнинг ҳимоя классификаторлари атайлаб ўчириб қўйилганди.
Компаниянинг расмий баёнотига кўра, ГПТ-5.6 Сол модели ва ундан кучлироқ яна бир модел изоляция қилинган синов муҳитидан (сандбох) мустақил равишда чиқиб кетган. У айланма йўллар орқали интернетга кириш имконини қўлга киритиб, ўзининг Ҳуггинг Фасе АИ лабораториясига хакерлик ҳужуми уюштирганди. Мустақил текширувлар шуни кўрсатдики, бу битта «бузилган агент» эмас, балки тахминан 1200 агентдан иборат гуруҳ бўлиб, улар ўзаро мувофиқлашган ҳолда ҳаракат қилган.
Иккинчи туртки 9-сентабр куни Антҳропис тадқиқотчиси Жейкоб Кохоннинг истеъфоси билан боғлиқ. 27 ёшли мутахассис уч йил давомида ОпенАИ ва Антҳропис компанияларида ишлаган.
«Иккала компания ҳам масъулияциз ҳаракат қилмоқда. Улар ўз-ўзини такомиллаштирувчи супер-интеллект сари пойга қилиб, ҳаётимизни гаровга қўймоқда», деб ёзди у. Ижтимоий тармоқлардаги ушбу пост 170 миллион мартадан ортиқ кўрилди.
Ахиос'га берган интервюсида Кохон компаниядаги улуши қонуний кучга киришига икки ой қолганида истеъфо берганини айтиб, буни шундай изоҳлади: «Агар сизга пойга босими тушаётган бўлса, бурчакларни кесишга мажбурсиз» ёки назорат босқичларини ўтказиб юборасиз.