Суд амалиётидаги бўшлиқлар ва қарама-қаршиликлар: Ўзбекистон қонун чиқарувчилари нималарни ўзгартиришни таклиф қилмоқдалар
Олий Мажлис Қонунчилик палатасида суд амалиётидаги бўшлиқлар ва қарама-каршиликларни бартараф этиш, шунингдек, фуқаролар ва тадбиркорлар ҳуқуқларини ҳимоя қилиш кафолатларини кучайтиришга қаратилган қонун лойиҳаси муҳокама қилинди. Парламент қуйи палатаси ахборот хизматининг хабар беришича, Коррупцияга қарши курашиш комитети томонидан «Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида»ги қонун лойиҳасини муҳокама қилиш бўйича ишчи гуруҳининг йиғилиши ўтказилди […]
Суд амалиётидаги бўшлиқлар ва қарама-қаршиликлар: Ўзбекистон қонун чиқарувчилари нимани ўзгартиришни таклиф қилмоқда
Олий Мажлис Қонунчилик палатасида суд амалиётидаги бўшлиқлар ва қарама-қаршиликларни бартараф этиш, шунингдек, фуқаролар ва тадбиркорлар ҳуқуқларини ҳимоя қилиш кафолатларини кучайтиришга қаратилган қонун лойиҳаси кўриб чиқилди.
Парламент қуйи палатаси ахборот хизматининг хабар беришича, Коррупцияга қарши курашиш ва суд-ҳуқуқ масалалари қўмитаси томонидан «Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида»ги қонун лойиҳасини муҳокама қилиш бўйича ишчи гуруҳининг йиғилиши ўтказилди.
Ҳужжат Олий суд томонидан қонунчилик ташаббуси ҳуқуқи асосида тайёрланган. Тўзатишларни Фуқаролик процессуал кодексига, «Давлат божи тўғрисида»ги ва «Тўловга қобилиятсизлик тўғрисида»ги қонунларга киритиш таклиф этилмоқда.
Хусусан, фуқаролик ҳолати далолатномалари ёзувларидаги ноаниқликларни тузатиш тўғрисидаги ишларни кўриб чиқишнинг аниқ процессуал тартибини белгилаш режалаштирилмоқда.
Ўзгартиришлар тўловга қобилиятсизлик билан боғлиқ тартиб-таомилларга ҳам дахлдор бўлади. Суд бошқарувчиси ўз вазифаларини лозим даражада бажармаган тақдирда, унинг ҳақини камайтириш имкониятини бериш, айрим суд ҳужжатлари устидан шикоят қилиш имкониятларини кенгайтириш, шунингдек, судгача бўлган санация ва суд бошқарувчиларини эгаллаб турган лавозимидан озод қилиш тартибига аниқлик киритиш таклиф қилинмоқда.
«Ишчи гуруҳ йиғилишида биз таклиф этилаётган нормаларни амалиётда қўллаш, уларнинг ҳуқуқий аниқлиги, шунингдек, фуқаролар ва тадбиркорлар манфаатларини таъминлашдаги аҳамияти масалаларини атрофлича муҳокама қилдик», — деди қўмита аъзоси Ойбек Йўлдошев.
Унинг сўзларига кўра, қонун лойиҳасининг қабул қилиниши суд-ҳуқуқ қонунчилигини такомиллаштириш, одил судловга эришиш имкониятини кенгайтириш ва судларга бўлган ишончни мустаҳкамлашга хизмат қилади.