Спорт ва дўстлик: Тошкентдаги кенг миқёсли Универсиадада 400 га яқин талаба иштирок этди | Репортаж
Тошкентда Россия университетлари филиаллари ва Ўзбекистон Республикаси давлат олий таълим муассасалари талабалари ўртасида III Универсиада бўлиб ўтмоқда. Уч кунлик бой дастурга мўлжалланган мусобақалар бу йил мамлакатнинг 14 та олий ўқув юртидан 400 га яқин талабани бир жойга жамлаб, талабалар жамияти учун кузнинг спорт воқеасига айланиб улгурди. Универсиада дастури тўртта спорт турини ўз ичига олади: мини-футбол, баскетбол, волейбол ва шахмат. Ўйинлар паралелл равишда кечмоқда […]
Спорт ва дўстлик: Тошкентдаги масштабли Универсиадада 400 га яқин талаба иштирок этди | Репортаж
Тошкентда Россия университетлари филиаллари ҳамда Ўзбекистон Республикаси давлат олий таълим муассасалари талабалари ўртасида III Универсиада бўлиб ўтмоқда.
Уч кунлик бой дастурга мўлжалланган мусобақалар талабалар ҳамжамияти учун кузги спорт воқеасига айланиб улгурди: бу йил улар мамлакатнинг 14 та олий ўқув юртидан 400 га яқин талабани бирлаштирди.
Универсиада дастурига тўртта спорт тури киритилган: мини-футбол, баскетбол, волейбол ва шахмат. Мусобақалар бир вақтнинг ўзида бир нечта майдончаларда бўлиб ўтмоқда ва ҳаяжон бир дақиқага ҳам сусаймаяпти. Шахмат беллашувларида, шунингдек, динамик волейбол ва баскетбол матчларида йигитлар ва қизлар алоҳида категорияларда иштирок этиб, тайёргарликнинг юқори даражасини, тактик маҳоратни ва ғалабага бўлган интилишни намойиш этмоқдалар.
Одатдагидек, эркаклар жамоалари ўртасидаги мини-футбол матчлари томошабинларда алоҳида қизиқиш уйғотмоқда — трибуналар ўз фаворитларини баланд ҳайқириқлар ва қарсаклар билан тўхтатовсиз қўллаб-қувватламоқда.
Универсиада учинчи бор ўтказилмоқда ва Россия ҳамда Ўзбекистон ёшлари ҳамкорлиги учун анъанавий майдонча мақомини мустаҳкамлади. Ташкилотчилар ва жамоа мураббийлари таъкидлаганидек, лойиҳа фақат спорт вазифалари доирасидан анча четга чиқади: у соғлом турмуш тарзини оммалаштиради, жамоавий руҳни тарбиялайди ва энг муҳими, турли ўқув юртларидан келган ёшларга танишиш, тажриба алмашиш ва мустаҳкам дўстлик ўрнатишга ёрдам беради.
Ушбу масштабли байрамнинг ташкилотчиси Россотрудничествонинг Ўзбекистон Республикасидаги ваколатхонаси (Тошкентдаги Рус уйи) ҳисобланади.