Соғлиқни сақлаш вазирлиги Корея компанияси билан янги онкология марказини ташкил этиш бўйича шартнома имзолади
Соғлиқни сақлаш вазирлиги Корея компанияси билан янги онкология маркази қурилиши бўйича шартнома тузди
Тошкентда 265 ўринли янги онкология марказини барпо этиш лойиҳаси доирасида консалтинг хизматларини кўрсатиш бўйича шартнома имзоланди. Ушбу объект Корея Экспорт-импорт банки билан ҳамкорликда пойтахтда ташкил этилаётган тиббиёт кластерининг муҳим қисмига айланади.
Соғлиқни сақлаш вазирлиги матбуот хизмати хабарига кўра, ҳужжатни соғлиқни сақлаш вазири Элдор Адилов ва Кореянинг AUM & ЛЕЕ Арчитесц & Associates компанияси вице-президенти Ли Вон Сок имзолади. Учрашув давомида томонлар қурилишнинг кейинги босқичларини муҳокама қилдилар.
АУМ & LEE консорциуми лойиҳалаштириш, қурилишни бошқариш ва назорат қилиш, тиббий ускуналарни танлаш, шунингдек, тиббий хизматлар ва ахборот тизимини режалаштириш бўйича консультациялар беради.
Марказ ходимлари учун тиббий хизматлар сифати, радиология, ядровий тиббиёт ва нур терапияси бўйича уч босқичли амалий ўқувларни ташкил этиш режалаштирилмоқда. Вазир марказ қурилишининг сифатли амалга оширилиши муҳимлигини таъкидлади ва Корея томонининг тажрибасига ишонч билдирди.
Сентябрь ойида Ўзбекистон-Корея қўшма ишлаб чиқариш корхоналарини ишга тушириш ва бир қатор йирик объектлар қурилишини бошлашга бағишланган расмий маросим бўлиб ўтган эди. Унда президент Шавкат Мирзиёев ва Корея Республикаси бош вазири Хан Сон Сук иштирок этди. Бошқа лойиҳалар қаторида Тошкентда Миллий онкология маркази ва олий тиббиёт таълим муассасаси қурилиши бошлангани ҳақида хабар берилган эди.