Собиқ Оқ уй ходими ФИФА раҳбарига қарши танқидларни Трампга қилинган ҳужумларга қиёслади — Ал Жазеера
**Собиқ Оқ уй ходими ФИФА раҳбарига қилинган танқидларни Трампга ҳужумлар билан қиёслади — Ал Жазеера**
Ню-Ёркнинг собиқ мери Руди Жилианининг ўғли ва Жаҳон чемпионати бўйича Оқ уй ищи гуруҳининг ижрочи директори Эндрю Жилиани оғир аҳволда қолган ФИФА президенти Жанни Инфантинони ҳимоя қилиб, унинг танқидчиларини ҳасадгўйликда айблади.
Айни пайтда Инфантинонинг қайта сайланишини қўллаб-қувватлашдан бош тортганлар орасида УЕФА, КОНКАКАФ ва Осиё Футбол Конфедерацияси (ОФК), шунингдек, Англия, Уелс, Ирландия ва Янги Зеландия футбол федерациялари бор. Эътиборли жиҳати, ташкилот улушини сотиб олиши мумкин бўлган потенциал инвесторлар қаторида Доналд Трампнинг куёви Жаред Кушнернинг укаси Жошуа Кушнер ҳам бор эди.
Эндрю Жилианининг таъкидлашича, Инфантинога қаратилган босимларнинг асл сабаби сиёсат ва майдакашликдир.
“Бу шунчаки сиёсат. Мен буни аввал ҳам, хусусан, сиёсий нуқтаи назардан президент Трампни нишонга олишганида кўрганман. Одамлар доим юқори натижаларга эришган шахсларга ҳасад қилишади. Жанни Инфантино ташкилотни мутлақо янги, кўпчилик ҳатто имконсиз деб ўйлаган даражага олиб чиқди”, деди Жилиани Тҳе Атҳлетис нашрига берган интервюсида.
Шунингдек, Жилиани спортнинг бугунги кундаги ҳолатига тўхталиб, тижоратлашув одатий ҳолга айланганини қўшимча қилди:
“Барчамиз инсонмиз, тан олиш керакки, спорт тижоратлашиб, пул ишлаш манбаига айланиб улгурди. Мен шуни айтган бўлардимки, Жаннининг бутун фаолиятига баҳо бериш ва у ҳар доим ўз ташкилотини яхшилашга интилаётганини тушуниш керак. Унинг қандай ишларни амалга оширганига қараб, айнан шу инсон ФИФАъга раҳбарлик қилишда давом этишини хоҳлаган бўлардим”.
Маълумот учун, Инфантино Жаҳон чемпионати ва бошқа ФИФА турнирларининг тижорий ҳуқуқларини ҳимоя қиладиган янги “ФИФА Форвард Энтерприсе” (ФФЕ) тузилмасининг қарийб 20 фоиз улушини хусусий инвесторларга сотиш режаси туфайли кескин танқидларга учраган эди. Гарчи у норозиликлар фонида бу ғоясидан воз кечган бўлса-да, мазкур можаро унинг келгуси йилги сайловлардаги имкониятларини пасайтириб юборди.