Сицилияда Этна вулқони уйғонди – суратлар
Сицилиянинг шарқий соҳилида бир ҳафтадан буён Европадаги энг йирик вулқон – Этна вулқони отилиши кузатилмоқда. Бундай узоқ давом этган отилиш 1970-йиллар охиридан бери кузатилмаган. Маҳаллий аеропорт ёпилган, мингдан ортиқ рейс бекор қилинган.
Этна вулқони Сицилияда фаоллашди – фотосуратлар
Сицилиянинг шарқий қирғоғида жойлашган Европанинг энг йирик вулқони Этна бир ҳафтадан буён отилмоқда. Катаниядаги Миллий геофизика ва вулқонология институти обсерваторияси директори Салво Гамбинонинг таъкидлашича, 1970-йилларнинг охиридан бери бундай узоқ муддатли отилиш кузатилмаган. Унинг сўзларига кўра, сўнгги ўн йилликларда бир неча бор лава оқимлари кузатилган, аммо улар одатда бир неча соат ичида тўхтаган. Вулқон кули Катания аеропортининг фаолиятига жиддий таъсир кўрсатди, натижада сайёҳлик мавсумининг энг қизғин палласида мингдан ортиқ рейс бекор қилинди. Баъзи йўловчилар бир неча кундан буён терминалларда тунашга мажбур бўлмоқда. Гамбинонинг айтишича, вулқон отилишининг қанча давом этишини олдиндан айтиб бўлмайди – у "эртага, бир неча кундан кейин, бир ҳафта ёки бир ойдан кейин" тўхташи мумкин.