Шенчженда томи парк шаклида бўлган улкан музей очилди — у Ернинг бутун тарихига бағишланган (видео)
Шенчженда Ернинг бутун тарихига бағишланган, томи парк шаклида бўлган улкан музей очилди (видео)
Хитойнинг Шенчжен шаҳрида дунёдаги энг йирик музейлардан бири ҳисобланган янги Табиий тарих музейи ўз фаолиятини бошлади. Майдони 105 минг квадрат метрдан ортиқ бўлган ушбу мажмуа Пиншан туманидаги Янсзи кўли соҳилида жойлашган бўлиб, Хитой жануби табиатига бағишланган илк йирик иншоотга айланди.
Лойиҳани Даниянинг 3ХН архитектура бюроси Б+Ҳ Арчитесц ва Зҳубо Десигн компаниялари билан ҳамкорликда ишлаб чиққан. Меъморлар анъанавий бино ўрнига атрофдаги ландшафтнинг табиий давомидек туюладиган силлиқ, ҳайкалтарошлик шаклини яратган. Томнинг аксарият қисми сайр қилиш учун очиқ бўлиб, ташриф буюрувчилар ҳатто ичкарига кирмасдан ҳам ботқоқлик ва кўл манзараларидан баҳраманд бўлишлари мумкин.
Музейда кўргазма залларидан ташқари, тадқиқот лабораториялари, илмий коллексиялар, таълим майдончалари ҳамда антрополог, зоолог ва бошқа мутахассислар учун иш хоналари жой олган. Шунингдек, бу ерда астрономик расадхона ҳам фаолият юритади.
Экспозиция Ернинг қарийб 4,6 миллиард йиллик тарихини – сайёранинг шаклланиши ва илк организмларнинг пайдо бўлишидан тортиб, динозаврлар даври, сутемизувчилар ва инсониятнинг вужудга келишигача бўлган даврни қамраб олади. Алоҳида бўлимлар Жанубий Хитой, жумладан, Гуандун провинсияси ва Марварид дарёси делтасининг биохилма-хиллигига бағишланган.
Гарчи музей динозаврларга катта эътибор қараца-да, уни яратганлар минтақанинг замонавий экотизимларига ҳам алоҳида урғу берган. Экспозицияларда маҳаллий турларнинг эволюцияси, шунингдек, ноёб ҳайвонлар ва уларнинг яшаш муҳитини сақлаб қолишга қаратилган ҳозирги саъй-ҳаракатлар ҳақида ҳикоя қилинади.
Янги музей нафақат сайёҳлар учун диққатга сазовор маскан, балки табиий тарих соҳасидаги халқаро тадқиқот марказига айланиши мақсад қилинган. Шу билан бирга, жамоат жойларига, жумладан, сайр қилиш мумкин бўлган том қисмига кириш бепул бўлиб, бу мажмуанинг бир вақтнинг ўзида ҳам илмий муассаса, ҳам шаҳар парки вазифасини бажаришига имкон беради.