Шахмат. Ўзбекистон терма жамоаси АҚШдаги турнирда қатнашмоқда. Натижалар қандай?

Шахмат бўйича Ўзбекистон терма жамоаси АҚШда ўтказилаётган турнирда иштирок этмоқда. Маями шаҳрида бўлиб ўтаётган ВР Чесс Рапид & Блитз мусобақасида Ўзбекистон жамоаси АҚШга қарши баҳс олиб борди.

Рапид йўналишидаги тўртта тур ўйинлари якунланди. Натижалар қуйидагича:

* **1-тур:** АҚШ 2.5 : 1.5 Ўзбекистон

* **2-тур:** АҚШ 2.0 : 2.0 Ўзбекистон

* **3-тур:** АҚШ 2.5 : 1.5 Ўзбекистон

* **4-тур:** АҚШ 1.5 : 2.5 Ўзбекистон

Рапид баҳслари якунига кўра умумий ҳисоб:

* **Тахталар бўйича очколар:** АҚШ 8.5 — 7.5 Ўзбекистон

* **Жамоавий очколар:** АҚШ 5 — 3 Ўзбекистон

Ўзбекистон терма жамоаси таркибида Жавоҳир Синдоров, Нодирбек Абдусатторов, Муҳиддин Мадаминов, Нодирбек Якуббоев ва Шамсиддин Воҳидов иштирок этмоқда. АҚШ жамоаси эса Ҳикару Накамура, Фабиано Каруана, Уесли Со ва Левон Аронян каби шахматчилардан ташкил топган.

Бугун, 28-июл куни соат 22:00 да иккинчи куннинг саккиз турдан иборат блиц баҳслари бошланади. Турнирнинг умумий ғолиби блиц ўйинлари якунида маълум бўлади.