Шахмат олимпиадаси. Ўзбекистон сўнгги тур олдидан Арманистонни йирик ҳисобда мағлуб этди

**Шахмат олимпиадаси. Ўзбекистон сўнгги тур олдидан Арманистонни йирик ҳисобда енгди**

Самарқандда давом этаётган 46-бутунжаҳон шахмат олимпиадасининг 10-тур баҳслари доирасида Ўзбекистон асосий терма жамоаси Арманистон устидан 3,5:0,5 ҳисобида ғалаба қозонди.

Нодирбек Абдусатторов, Жавоҳир Синдоров ва Муҳиддин Мадаминов ўз партияларида зафар қучган бўлса, Нодирбек Ёқуббоев ўз доскасида дуранг қайд этди.

Нодирбек Абдусатторов 1:0 Ҳаик Мартиросян

Жавоҳир Синдоров 1:0 Роберт Ҳовҳаннисян

Нодирбек Ёқуббоев 0,5:0,5 Шант Саргисян

Муҳиддин Мадаминов 1:0 Габриел Саргисян

Ушбу ғалабадан кейин Ўзбекистон-1 терма жамоаси 18 очко билан пешқадамлигини янада мустаҳкамлади. Сўнгги турдаги рақиб барча учрашувлар якунлангач маълум бўлади.