Шавкат Мирзиёев Овазадаги МДҲ мамлакатлари миллий таомлари фестивалига ташриф буюрди
Ўзбекистон Президенти Шавкат Мирзиёев МДҲ мамлакатлари делегациялари раҳбарлари билан биргаликда Туркманистондаги «Аваза» миллий туристик зонасида бўлиб ўтган Миллий таомлар фестивалига ташриф буюрди. Фестивалда тўққизта мамлакат — Ўзбекистон, Озарбайжон, Арманистон, Беларусь, Қозоғистон, Қирғизистон, Россия, Тожикистон ва Туркманистоннинг пазандалик анъаналари намойиш этилди. Ўзбекистон стендида меҳмонлар ҳудудий пишириқлар, ширинликлар, қуритилган мевалар ва нон ёпиш анъаналари билан танишдилар. Ошпазлар […]
Шавкат Мирзиёев Авазада МДҲ мамлакатлари миллий таомлари фестивалида бўлди
Ўзбекистон Президенти Шавкат Мирзиёев МДҲ мамлакатлари делегациялари раҳбарлари билан биргаликда Туркманистондаги «Аваза» миллий туристик зонасида бўлиб ўтган Миллий таомлар фестивалига ташриф буюрди.
Фестивалда тўққизта мамлакат — Ўзбекистон, Озарбайжон, Арманистон, Беларусь, Қозоғистон, Қирғизистон, Россия, Тожикистон ва Туркманистоннинг пазандалик анъаналари намойиш этилди.
Ўзбекистон стендида меҳмонлар ҳудудий пишириқлар, ширинликлар, қуритилган мевалар ва нон ёпиш анъаналари билан танишдилар. Ошпазлар сомса, Хоразм таомлари — шивит оши ва тухумбарак тайёрланишини намойиш этдилар, шунингдек, ўзбек палови ва миллий ошхонанинг бошқа таомларини тақдим этдилар.
Алоҳида экспозиция халқ ҳунармандчилигига бағишланди. Риштон, Бухоро, Марғилон ва Самарқанд усталари ўз маҳсулотлари ва анъанавий техникаларини намойиш этдилар.
Байрам дастурини миллий мусиқа ижрочиларининг чиқишлари тўлдирди. Ўзбекистон стендини кўздан кечиргандан сўнг, делегациялар раҳбарлари бошқа мамлакатларнинг экспозициялари билан танишдилар.