Шавкат Мирзиёев: “Биз бугун кечагидан кучлимиз. Насиб эца, эртага бундан ҳам кучли бўламиз”

Шавкат Мирзиёев: "Бугун биз кечагидан кучлироқмиз. Насиб эца, эртага бундан ҳам кучли бўламиз"

Ўзбекистон Республикаси Президенти Шавкат Мирзиёев мамлакат мустақиллигининг 35 йиллигига бағишланган тантанали маросимда нутқ сўзлади. У ўз нутқида халқнинг мамлакат тараққиётидаги ўрни, келажакдаги мақсадлар ва янги тарихни биргаликда яратиш зарурлиги ҳақида гапирди.

Давлат раҳбари мустақилликнинг 35 йиллик тараққиёт йўли халқ ва давлат ягона мақсад йўлида бирлашиб, астойдил ҳаракат қилса, забт этиб бўлмайдиган марранинг ўзи йўқлигини кўрсатганини таъкидлади.

"Биз бугун кечагидан кучлимиз. Насиб эца, эртага бундан ҳам кучли бўламиз!" – деди Шавкат Мирзиёев.

Президент халқ ва давлатнинг бундай буюк қудратини енга оладиган кучнинг ўзи йўқлигини қайд этди. Давлат раҳбари ягона ватан ва ягона халқ бўлиб, янги ҳаёт ҳамда буюк келажакни биргаликда барпо этишга чақирди.

Давлат раҳбари матонатли, мард ва олижаноб халқ Ўзбекистон олдига қўйилган улуғ мақсадларга албатта етишига ишонч билдирди.

Шавкат Мирзиёев нутқи якунида Ватанимизнинг олтин даври ва янги буюк тарихини халқ билан биргаликда яратиш мумкинлигини таъкидлади.

Президент мустақиллик неъмати учун Парвардигорга шукроналар билдириб, истиқлолнинг ижодкори ва ҳақиқий бунёдкори бўлган Ўзбекистон халқига шон-шарафлар тилади.

Давлат раҳбари халқимизни Ўзбекистон Республикаси давлат мустақиллигининг 35 йиллиги билан яна бир бор табриклаб, юртимиз тинч, хонадонларимиз обод ва фаровон бўлишини тилади.