Сербия боғлари Ўзбекистонда илдиз отади: мамлакатда замонавий кўчатчилик хўжалигини ишга туширишмоқчи
Ўзбекистон мевали кўчатлар етиштириш ва интенсив боғлар яратишда Сербия тажрибасини ўзлаштиришдан умидвор. Бунинг учун KALEM VOĆE MILADINOVIĆ компанияси технологиялари ва экспертизасини жалб этиш режалаштирилган. Ҳамкорлик истиқболларини қишлоқ хўжалиги вазири Иброҳим Абдураҳмонов ва Сербия компанияси вакиллари муҳокама қилдилар. Музокаралар марказида — Ўзбекистонда сифатли мевали экиш материали етиштириш бўйича замонавий кўчатхона ташкил этиш, етиштиришнинг илғор технологияларини жорий қилиш […]
Сербия боғлари Ўзбекистонда илдиз отади: мамлакатда замонавий кўчатхона ташкил этилмоқчи
Ўзбекистон мевали кўчатлар етиштириш ва интенсив боғлар яратишда Сербия тажрибасини ўзлаштиришни режалаштирмоқда. Бунинг учун KALEM VOĆE MILADINOVIĆ компанияси технологиялари ва экспертизасини жалб этиш кўзда тутилган.
Ҳамкорлик истиқболларини Қишлоқ хўжалиги вазири Иброҳим Абдураҳмонов ва Сербия компанияси вакиллари муҳокама қилдилар. Музокаралар марказида — Ўзбекистонда сифатли мевали экиш материаллари етиштириш бўйича замонавий кўчатхона ташкил этиш, кўчат етиштириш ва пайванд қилишнинг илғор технологияларини жорий этиш, шунингдек, интенсив боғлар барпо этиш масалалари турди.
Академик М. Мирзаев номидаги Боғдорчилик, узумчилик ва виночилик илмий-тадқиқот институти лойиҳа учун пилот майдончасига айланиши мумкин. Унинг базасида замонавий мевали кўчатлар етиштиришни ташкил этиш ва тажриба майдончаларини яратиш режалаштирилмоқда.
Сербия технологияларини нафақат импорт қилиш, балки амалиётда маҳаллий мутахассисларга ўргатиш ҳам мақсад қилинган. Дастлабки босқичда 20–30 нафар талаба ва соҳа вакилларини ўқитиш ҳамда стажировкасини ташкил этиш кўриб чиқилмоқда. Улар кўчат етиштириш ва пайванд қилиш, пайвандтагларни танлаш ҳамда интенсив боғлар яратишнинг замонавий усулларини ўзлаштиришлари мумкин бўлади.
Keyинги қадам — KALEM VOĆE MILADINOVIĆ вакилларининг 2026 йилнинг сентябрь–октябрь ойларига режалаштирилган Ўзбекистонга ташрифидир. Сербия томони истиқболли майдончаларни ўрганади, лойиҳа иштирокчилари эса бўлажак кўчатхона параметрларини, ҳамкорлик механизмларини ва ишларни бошлаш учун аниқ қадамларни белгилаб оладилар.
Ўзбекистон учун ушбу лойиҳа нафақат боғдорчилик нуқтаи назаридан аҳамиятга эга. Сифатли ва сертификатланган кўчатлар етиштириш бўйича шахсий базанинг яратилиши соҳанинг хориждан олиб келинадиган экиш материалларига қарамлигини камайтириши, боғларни янгилашни тезлаштириши ва рақобатбардош мева маҳсулотлари ишлаб чиқаришни кенгайтириш учун шароит яратиши мумкин.
Агар лойиҳа амалий давом эттирилса, Сербия тажрибаси ўзбек боғдорчилигини — кўчатхонадан тортиб экспортбоп боғгача технологик янгилаш воситаларидан бирига айланиши мумкин.