Сентабр охирида АҚШ ҳукумати ишдан тўхташи мумкин

АҚШ федерал ҳукумати сентабр ойида яна ишдан тўхташи мумкин. Чунки амалдаги молиялаштириш йили 1 октабр куни ўз якунига етади. Лекин Конгресс аъзолари имкон қадар бундан қочиш йўлларини излашмоқда. Чунки оралиқ сайловлар олдидан бу қимматга тушиши ва қонунчиларни боши берк кўчага олиб кириши мумкин. Трамп ҳукумат шатдаунини башорат қиларкан, Вакиллар платаси аъзолари Вашингтонни 5 ҳафтага тарк этаётган бир онда масала ноаниқлигича қолмоқда.