Сенат Бош вазирдан болаларга нисбатан зўравонлик содир этганлик учун судланган шахслар реестрининг иши тўғрисида ҳисобот сўради
Сенат Бош вазирдан болаларга нисбатан зўравонлик содир этганлик учун судланган шахслар реестрининг ишлаши тўғрисида ҳисобот сўради
Сенатнинг Ёшлар, хотин-қизлар, маданият ва спорт масалалари қўмитаси раиси Малика Қодирхонова Бош вазир Абдулла Ариповга соғлиққа, жинсий эркинликка, оилага, ёшларга ва ахлоққа қарши жиноятлар содир этган шахсларнинг махсус реестридан фойдаланиш самарадорлиги юзасидан парламент сўрови юборди.
Сенатор ўз мурожаатида вояга етмаганлар билан ишловчи давлат ва хусусий ташкилотлар ходимларни ишга қабул қилишда ушбу маълумотлар базасидан қанчалик фаол маълумот сўраётгани ва бундай текширувлар натижалари қандай бўлаётганига ойдинлик киритишни сўраган.
Бундан ташқари, сўровда реестрга киритилган фуқароларнинг айни пайтдаги бандлиги, шунингдек, назоратни амалга оширишда тизимли узилишларни бартараф этиш бўйича кўрилаётган чора-тадбирлар тўғрисидаги масалалар ҳам кўтарилган.
Парламент сўрови юбориш зарурати иш берувчилар номзодларни текшириш ва қонун ҳужжатларида белгиланган чекловларга риоя қилишда дуч келаётган амалий қийинчиликлар билан изоҳланади. Бундай судланганлик ўтмишига эга шахсларнинг таълим, тарбия, соғломлаштириш ва спорт муассасаларида лавозимларни эгаллашини тақиқлаш 2023 йил 11 апрелда қонунчиликда мустаҳкамлаб қўйилган эди.
Ушбу механизмни янада такомиллаштириш Президентнинг 2026 йил 3 мартдаги фармони доирасидаги «Йўл харитаси»да назарда тутилган бўлиб, у болалар ташкилотларининг реестр маълумотларидан тўсиқсиз фойдаланишини таъминлаш ва болалар ҳуқуқлари ҳимоясини тизимли кучайтиришга қаратилган.