Саудия биринчи, Ўзбекистон 88,8 балл: дунёда рақамли тараққиёт рейтинги эълон қилинди
2026-йилги АКТ ривожланиш индексида Саудия Арабистони дунёда биринчи ўринни эгаллади. Ўзбекистон 88,8 балл тўплади, АҚШ 97,9 балл билан тўққизинчи ўринни бўлишди, Россия ва Хитой эса 94,4 баллдан қайд этди.
Саудия биринчи, Ўзбекистон 88,8 балл: дунёда рақамли тараққиёт рейтинги эълон қилинди
Висуал Сапиталист халқаро телекоммуникациялар иттифоқининг 2026-йилги ИСТ Девелопмент Индех - ИДИ маълумотлари асосида 159 та иқтисодиётнинг рақамли ривожланишини солиштирди. Индекс мамлакатларнинг «универсал ва мазмунли рақамли уланиш» сари қанчалик олдинга силжиганини баҳолайди.
ИДИ 10 та кўрсаткичдан иборат. Унда интернетга кириш ва ундан фойдаланиш, алоқа тармоқларининг қамрови, маълумотлар истеъмоли ҳамда интернет хизматларининг аҳоли учун нархи каби омиллар инобатга олинади.
Рейтингда энг юқори натижа Саудия Арабистонида қайд этилган — 99,8 балл. Мамлакат универсал уланиш бўйича 100 балл, мазмунли уланиш бўйича эса 99,6 балл олган.
Энг юқори ўнта натижанинг бештаси Яқин Шарқ иқтисодиётларига тўғри келади. Саудия Арабистонидан ташқари БАА, Кувайт, Қатар ва Баҳрайн ҳам юқори ўринларни эгаллаган.
Европада Эстония 98,5 балл билан энг юқори кўрсаткичга эга. Финландия 98,4 балл билан ундан кейинги ўринда турибди. Даниянинг натижаси 98,2 баллни ташкил этган.
Америка қитъасида АҚШ 97,9 балл билан етакчи. Ҳонгконг ва Сингапур ҳам 97,9 баллдан тўплаган, Жанубий Корея 95,5, Малайзия эса 95,3 балл қайд этган.
Араб давлатлари минтақасида мамлакатлар ўртасида катта тафовут бор. Минтақанинг ўртача кўрсаткичи 78 балл бўлса-да, айрим иқтисодиётларда натижа деярли максимал даражага яқин, бошқаларида эса 37 баллгача тушади. Бу интернет тармоқларининг мавжудлиги, улардан фойдаланиш даражаси ва хизматлар нархи қўшни давлатларда ҳам кескин фарқ қилиши мумкинлигини кўрсатади.
Осиё-Тинч океани минтақасида энг юқори ва энг паст натижалар орасидаги фарқ 62 баллга етади. Бу ерда урбанизация даражаси, телекоммуникация инфратузилмаси ва аҳоли даромадлари асосий омиллар ҳисобланади.
Осиё рақамли инфратузилма, айниқса маълумотларни қайта ишлаш марказлари қурилиши бўйича ҳам жадал ўсмоқда. Булутли технологиялар ва сунъий интеллектдан фойдаланиш кенгайгани Малайзия, Индонезия ва Таиланд каби давлатларга янги инвестицияларни жалб қилмоқда.
Дунё бўйича ИДИ'нинг ўртача кўрсаткичи 79 баллни ташкил этади. 59 та иқтисодиёт 90–100 балл оралиғида натижа қайд этган, 15 таси эса 50 баллдан кам тўплаган.
Даромад даражаси рақамли ривожланиш билан чамбарчас боғлиқ бўлиб қолмоқда. Кам даромадли иқтисодиётларда ўртача кўрсаткич 42 балл, юқори даромадли мамлакатларда эса 93 баллга тенг.