Саудия Арабистонидаги элчихона маслаҳатчиси Фарғона ҳокимига ўринбосар бўлди
Ислом Мадаминов Фарғона вилояти ҳокимининг ўринбосари - вилоят инвестициялар, саноат ва савдо бошқармаси бошлиғи этиб тайинланди. У бунга қадар Ўзбекистоннинг Саудия Арабистонидаги элчихонасида савдо-иқтисодий масалалар бўйича маслаҳатчи бўлиб ишлаган.
Саудия Арабистонидаги элчихона маслаҳатчиси Фарғона ҳокимига ўринбосар этиб тайинланди
Вилоят ҳокимлиги берган маълумотга кўра, Ислом Мадаминов 1992-йилда Фарғона шаҳрида туғилган. У Фарғона политехника институти, Президент ҳузуридаги Лойиҳа бошқаруви миллий агентлигининг Бизнес ва бошқарув олий мактаби ҳамда Латвиядаги ИСМА менежмент олий мактабини тамомлаган.
Меҳнат фаолияти давомида у Фарғона вилояти Туризмни ривожлантириш бошқармасида бош мутахассис, Риштон тумани ҳокимининг ўринбосари - инвестициялар ва ташқи савдо бўлими бошлиғи лавозимларида ишлаган.
Шунингдек, Ўзбекистоннинг Қирғизистондаги элчихонасида савдо-иқтисодий масалалар бўйича маслаҳатчи ҳамда Инвестициялар, саноат ва савдо вазирлигида инвестиция менежери - бошқарма бошлиғи сифатида фаолият юритган.