Самарқандда ўтган сайловда ФИДЕнинг янги президенти сайланди
Сайлов Самарқанддаги 46-Бутунжаҳон шахмат олимпиадаси доирасида ўтаётган ФИДЕ Конгрессида бўлиб ўтди.
Самарқандда бўлиб ўтган сайловда ФИДЕнинг янги президенти аниқланди. Хабарга кўра, қозоғистонлик тадбиркор ва молиячи Тимур Турлов Самарқандда ўтаётган ФИДЕ Бош ассамблеясида Халқаро шахмат федерацияси президенти этиб сайланган.
Турлов ФИДЕ тарихидаги саккизинчи президент бўлди ва ташкилотни бошқарган илк қозоғистонлик сифатида қайд этилди.
Президентлик учун унга германиялик тадбиркорлар Вадим Розенштейн ва Ян Хенрик Бюттнер рақиблик қилган. Беш карра жаҳон чемпиони Вишванатан Ананд эса Турлов билан бирга президент ўринбосарлигига номзод сифатида сайловда иштирок этган.
Сайлов Самарқанддаги 46-Бутунжаҳон шахмат олимпиадаси доирасида ўтаётган ФИДЕ Конгрессида бўлиб ўтди.