Самарқандда ДУБАНЯ премиум рус ҳаммоми очилди
3-сентабр куни Силк Роад Самарканд халқаро сайёҳлик мажмуасида Самарқанддаги премиум рус ҳаммоми — ДУБАНЯ очилди. Мажмуада ҳар бири 10 кишигача бўлган давралар учун мўлжалланган иккита хусусий — Караван ва Сарай номли ҳаммом зоналари ҳамда Сосиал Баня формати кўзда тутилган.
Самарқандда ДУБАНЯ премиум рус ҳаммоми иш бошлади
ДУБАНЯ — премиум сегментга мансуб рус ҳаммоми бўлиб, у дам олиш ва чуқур қайта тикланиш учун одатий спа, ҳаммом ёки жамоат ҳаммомлари форматларидан алоҳида тоифани ифодалайди.
ДУБАНЯ бренди 2022-йилда Дубайда ташкил этилган бўлиб, Руссиан Эмиратес маълумотларига кўра, Яқин Шарқдаги илк рус ҳаммоми бўлган. Фаолияти давомида ҳаммомга кўплаб машҳурлар, жумладан, БАА қироллик оиласи аъзолари, етакчи спортчилар ва халқаро бизнес ҳамжамияти вакиллари ташриф буюрган. Буғлашнинг аутентик анъаналарини халқаро сервис стандартлари билан уйғунлаштирган ушбу лойиҳа маҳаллий аҳоли, экспатлар ва ҳаммом маданиятини қадрловчиларнинг эътирофига сазовор бўлган. Бугунги кунда бренд Ўзбекистон бозорига кириб келар экан, хизмат сифати ҳамда энг майда тафсилотларгача бўлган эътиборни сақлаб қолмоқда.
Силк Роад Самаркандъдаги ДУБАНЯ иккита мутлақо алоҳида ҳаммом ҳудуди — Караван ва Сарайни ўз ичига олади, уларни жамоа учун ижарага олиш мумкин. Ҳар бири 10 кишигача бўлган гуруҳлар учун мўлжалланган бўлиб, зарурат туғилганда 20 кишилик ягона мажмуага бирлаштирилиши мумкин. Ҳар бир ҳаммомда буғхона, пичан тўшалган дам олиш ҳудуди, тоғорали контраст муолажалар жойи, қор генератори ва қуйма душ, шунингдек массаж кабинети мавжуд. Бундан ташқари, меҳмонларга индивидуал буғлаш, скраб ва массажлар каби қўшимча хизматлар таклиф этилади — бу ҳаммом дастурини ҳар бир кишининг талаби ва хоҳишига мослаштириш имконини беради.
ДУБАНЯ — анъанавий рус ҳаммомининг замонавий талқини: интерерда табиий ёғоч ва тошдан фойдаланилган, илиқ майин ёруғлик ва лўнда дизайн замонавий ечимларни анъанавий ҳаммомнинг таниқли унсурлари билан уйғунлаштириб, осойишталик ва шинамлик муҳитини яратади.
“Дубайда илк ДУБАНЯъни очганимизда ўз маданият кодимиз — ғамхўрлик, ишонч ва инсоний мулоқотга асосланган асрлик анъаналаримизни улашишни истагандик. ДУБАНЯънинг Ўзбекистондаги янги саҳифасида ҳам миссиямиз ўзгармай қолади: асл ҳаммом руҳиятини сақлаб, маҳаллий контекстни ҳурмат қилган ҳолда, янги минтақалар ва аудиторияларни рус ҳаммоми маданияти билан таништириш. Биз учун муваффақият ривожланиш билангина эмас, балки ташриф буюрган меҳмонлар ўзлари билан олиб кетадиган уйғунлик, янгиланиш ва ички мувозанат ҳисси билан ҳам ўлчанади. Ҳаммом — бу иссиқлик ва буққина эмас, балки ҳақиқий ўзгаришлар маросимидир ва айнан мана шу таассуротни биз ҳар бир меҳмонга улашишга интиламиз”, — дея қайд этди ДУБАНЯ асосчиси Владимир Гришенко.
Самарқанд учун ДУБАНЯ ҳар бир меҳмонга индивидуал ёндашув, майда жиҳатларга эътибор ва маҳаллий бозор учун янги бўлган ҳаммомда дам олиш шаклини бирлаштирувчи, диққат марказида сифатли дам олиш, соғломлаштириш ва учрашувлар макони бўлиш турадиган алоҳида маданий тоифа бўлади.
Алоҳида ҳаммом маконини ижарага беришдан ташқари, ДУБАНЯ Сосиал Баня шаклини — анъанавий кириш чиптаси орқали жамоат ҳаммомига киришни ҳам таклиф этади. Эркаклар ва аёллар ҳудудлари ажратилган бўлиб, меҳмонлар 3 соат давомида ҳаммомдан бошқа ташриф буюрувчилар билан биргаликда фойдаланиши мумкин. Бундай шаклда ҳаммом ўзининг ҳамфикрларни ва рус буғланиш маданиятини қадрловчиларни бир масканда бирлаштирувчи умумий макон кўринишидаги тарихий ролини сақлаб қолади.