Самарқанд саммити: болалар саратонига қарши курашиш учун мутахассислар қандай ўқитилмоқда
Вена тиббиёт университети вакили Милен Минков «Болалар фаровонлигига инвестициялар: на» Бутунжаҳон саммити доирасида
Самарқанд саммити: болалар саратонига қарши курашиш учун мутахассислар қандай тайёрланмоқда
Вена тиббиёт университети вакили Милен Минков Самарқандда ўтказилаётган «Болалар фаровонлигига инвестициялар: келажак авлодлар учун барқарор ва адолатли тараққиёт сари» номли Бутунжаҳон саммити давомида шифокорлар ва ҳамшираларга бевосита ўз шифохоналарида амалий кўникмаларни эгаллаш имконини берувчи тиббиёт мутахассисларини тайёрлаш модели ҳақида сўзлаб берди.
Унинг сўзларига кўра, ўқитиш иш жойида ва тиббиёт ходимларининг тилида ташкил этилган. Бундай формат, айниқса, ҳамширалар учун жуда муҳим бўлиб, алоҳида мутахассисларни эмас, балки бутун тиббиёт жамоасини тайёрлашга ёрдам беради.
«Ўқитиш бевосита сизнинг шифохонангизда амалга оширилади, тренинглар эса сизнинг тилингизда ўтказилади. Бу, айниқса, ҳамширалар учун муҳимдир. Шифокорлар амалий кўникмаларни ўзлари ўрганган иш муҳитида эгаллайдилар. бошқа мамлакатларда ўқишганда, улар кўпинча кузатувчи ролини ўйнашади. Бу ерда эса биз бутун жамоани ўқитамиз», — деди Милен Минков.