Саида Мирзиёева Хитой парламенти раиси билан учрашди
Ўзбекистон Президенти Администрацияси раҳбари Саида Мирзиёева Хитой Коммунистик партияси Марказий қўмитаси Сиёсий бюроси Доимий қўмитаси аъзоси, Бутунхитой халқ вакиллари кенгаши Доимий қўмитаси раиси Чжао Лецзи билан учрашув ўтказди.
**Саида Мирзиёева Хитой парламенти раҳбари билан учрашди**
Ўзбекистон Президенти Администрацияси раҳбари Саида Мирзиёева Хитой Коммунистик партияси Марказий қўмитаси Сиёсий бюроси Доимий қўмитаси аъзоси, Бутунхитой халқ вакиллари кенгаши Доимий қўмитаси раиси Чжао Лецзи билан учрашув ўтказди.
Мирзиёева ўзининг Телеграм-каналида ушбу учрашув ҳақида шундай ёзди: "Самимий руҳда кечган суҳбат чоғида давлатларимиз раҳбарларининг изчил ва самарали мулоқоти натижасида сўнгги йилларда Ўзбекистон ва Хитой ўртасида мустаҳкамланиб бораётган муносабатларни муҳокама қилдик. Парламентлараро мулоқот ҳам янги босқичга кўтарилмоқда."
У Хитой томонининг қўллаб-қувватлашини ва транспорт, савдо, таълим ва маданият йўналишларидаги аниқ лойиҳаларни биргаликда амалга оширишга бўлган интилишини юқори баҳолади. "Олдимизда муштарак режалар кўп, асосий вазифа эса – уларни изчил ҳаётга татбиқ этишдир," дея таъкидлади Мирзиёева.
Якунда Мирзиёева жаноб Чжао Лецзига очиқ ва мазмунли мулоқот учун миннатдорлик билдирди.