Саида Мирзиёева ва Қатар амири истиқболли лойиҳаларни муҳокама қилдилар
Саида Мирзиёева ва Қатар амири истиқболли лойиҳаларни муҳокама қилдилар
Президент Администрацияси раҳбари Саида Мирзиёева Қатар амири шайх Тамим бин Ҳамад Ол Соний билан учрашув ўтказди. Музокараларнинг асосий мавзуларидан бири икки мамлакат ўртасидаги истиқболдаги ҳамкорлик масалалари бўлди.
Учрашув аввалида ПА раҳбари амирга Ўзбекистон Президенти Шавкат Мирзиёевнинг саломи ва эзгу тилакларини етказди. У Тошкент ва Доҳа ўртасидаги муносабатлар самимий ва ишончли хусусиятга эга экани ҳамда сўнгги йилларда изчил мустаҳкамланиб бораётганини таъкидлади.
Томонлар аллақачон шаклланган шерикликни янада ривожлантириш масалаларига алоҳида эътибор қаратдилар. Хусусан, Ўзбекистон-Қатар ҳамкорлигининг навбатдаги босқичига айланиши мумкин бўлган янги қўшма ташаббуслар ва истиқболли лойиҳалар ҳақида сўз борди.
Музокаралар икки давлат ўртасидаги алоқалар фаоллашган бир пайтда бўлиб ўтди. Июль ойида Ўзбекистон ва Қатар савдо-иқтисодий ва инвестициявий лойиҳаларни амалга оширишни тезлаштириш, шунингдек, энергетика, логистика, туризм ва бошқа йўналишларда ҳамкорликни янада фаол ривожлантиришга келишиб олган эди.