Саида Мирзиёева: Қорақалпоғистонга киритилаётган инвестициялар ҳажми ортиб бормоқда
Президент Администрацияси раҳбари Саида Мирзиёева Қорақалпоғистон Республикасига киритилаётган инвестициялар ҳажми ошгани ҳамда янги йирик лойиҳалар, жумладан, хорижий ҳамкорлар иштирокида амалга оширилаётгани ҳақида маълум қилди.
Саида Мирзиёева: Қорақалпоғистонга инвестициялар ортиб бормоқда
«Бу мамлакатимизга ва биз бизнес учун яратаётган имкониятларга бўлган жиддий ишончдан далолат беради», — маълум қилди Саида Мирзиёева.
У, шунингдек, Президент Шавкат Мирзиёев билан биргаликда янги тиббиёт академияси, қатор корхоналар ва интенсив боғларда бўлиб, аҳолининг ишлаши ва даромадларини ошириши учун яратилган шароитлар билан танишганини таъкидлади.
«Биз янада олдинга ҳаракат қилиш ниятидамиз. Бундан-да кўпроқ инвестицияларни жалб этиш, халқаро ҳамкорлар доирасини кенгайтириш ва янада йирик миқёсдаги лойиҳаларни ишга тушириш ниятидамиз», — деди Саида Мирзиёева.
Унинг қўшимча қилишича, Президентнинг Қорақалпоғистонга ташрифи давомида 592 миллион долларлик 11 та лойиҳа ишга туширилди ва хорижий ҳамкорлар иштирокида қиймати 7 миллиард долларлик яна 47 та лойиҳа қурилиши бошланди.