Саида Мирзиёева ЖСТ бош директори билан учрашди
Саида Мирзиёева ЖСТ бош директори билан учрашди
Саида Мирзиёева АҚШга сафари чоғида Жаҳон савдо ташкилоти бош директори Нгози Оконжо-Ивеала билан учрашув ўтказди.
Суҳбатда Ўзбекистоннинг ушбу ташкилотга аъзо бўлиш жараёни қайси босқичда экани ҳамда олдинда турган якуний вазифалар муҳокама қилинди.
“Бизни доимий қўллаб-қувватлаб, экспертлик кўмагини бераётган қадрли Оконжо-Ивеала хонимга миннатдорлик билдираман. Бу йўлнинг катта қисмини босиб ўтдик, бундан кейин шаҳдимизни сусайтирмасдан, бошланган ишни ниҳоясига етказишимиз жуда муҳим”, деди Президент администрацияси раҳбари.
Фото: Телеграм / Саида Мирзиёева
Ўзбекистон 2026-йил декабргача Жаҳон савдо ташкилотига аъзо бўлиши кутилмоқда. Ўзбекистон инвестиция даражасидаги кредит рейтингини олиб, ЖСТга аъзо бўлишни якунламоқчи.